ന്യൂഡെൽഹി: 2020-21 സാമ്പത്തിക വര്‍ഷത്തില്‍ ആകെ രാജ്യത്ത് ഫയല്‍ ചെയ്യപ്പെട്ട ആദായ നികുതി റിട്ടേണുകള്‍ (ഐടിആര്‍) 4.43 കോടിയാണെന്ന് റിപ്പോര്‍ട്. 2021 ഡിസംബര്‍ 25 വരെ (2021-22 മൂല്യനിര്‍ണയ വര്‍ഷം) ഫയല്‍ ചെയ്‌ത 2.41 കോടി ഐടിആർ-1, 1.09 കോടി ഐടിആർ-4 എന്നിവ ഇതില്‍ ഉള്‍പ്പെടുന്നു. ഇതില്‍ തന്നെ ഡിസംബര്‍ 25 വരെ മാത്രം 11.68 ലക്ഷത്തിലധികം റിട്ടേണുകള്‍ സമര്‍പ്പിച്ചതായാണ് ആദായ നികുതി വകുപ്പിന്റെ കണക്കുകൾ സൂചിപ്പിക്കുന്നത്.
ഡിസംബർ 31 വരെയാണ് നികുതിദായകർക്ക് പിഴ കൂടാതെ ഐടിആർ ഫയൽ ചെയ്യാൻ അനുവദിച്ചിരിക്കുന്ന സമയ പരിധി. എസ്എംഎസുകളും ഇ-മെയിലുകളും മുഖേന 2020-21 സാമ്പത്തിക വർഷത്തേക്കുള്ള റിട്ടേൺ ഫയൽ ചെയ്യാൻ നികുതിദായകരെ നിരന്തരം ഓർമിപ്പിക്കുകയാണ് ആദായനികുതി വകുപ്പ്. അതിനാൽ തന്നെ സമയ പരിധി നീട്ടുന്നതിലോ, പിഴ ഒഴിവാക്കുന്നതിലോ ഇനിയൊരു ഇളവ് അനുവദിക്കാൻ സാധ്യതയില്ലെന്നാണ് വിലയിരുത്തൽ.
Read Also: ബാങ്ക് അക്കൗണ്ടുകൾ മരവിപ്പിച്ച നടപടി; ആഭ്യന്തര മന്ത്രാലയം ആവശ്യപ്പെട്ടിട്ടില്ലെന്ന് കേന്ദ്രം
