ന്യൂഡെൽഹി: രാജ്യത്തെ ആകെ കോവിഡ് ബാധിതരുടെ എണ്ണം 95,71,559 ആയി. കഴിഞ്ഞ 24 മണിക്കൂറിനിടെ 36,594 പുതിയ കേസുകളാണ് ഇന്ത്യയിൽ റിപ്പോർട്ട് ചെയ്‌തത്‌. 4,16,082 പേർ നിലവിൽ ചികിൽസയിലാണ്.
540 പേരാണ് കഴിഞ്ഞ 24 മണിക്കൂറിനിടെ കോവിഡ് ബാധിച്ച് മരിച്ചത്. ഇതോടെ ആകെ മരണസംഖ്യ 1,39,188 ആയി. മരണനിരക്ക് 1.45 ശതമാനമാണ്. 42,916 പേർ കഴിഞ്ഞ ദിവസം രോഗമുക്‌തി നേടി. ഇതുവരെ 90,16,289 പേർ രോഗമുക്‌തി നേടിയിട്ടുണ്ട്. രോഗമുക്‌തി നിരക്ക് 94.20 ശതമാനമായി ഉയർന്നിട്ടുണ്ട്.
ഇന്ത്യൻ കൗൺസിൽ ഫോർ മെഡിക്കൽ റിസർച്ചിന്റെ കണക്കുകൾ പ്രകാരം 11,70,102 സാംപിളുകളാണ് കഴിഞ്ഞ ദിവസം പരിശോധനക്ക് അയച്ചത്. ഡിസംബർ 3 വരെ 14,47,27,749 സാംപിളുകൾ പരിശോധനക്കായി അയച്ചുവെന്നാണ് കണക്കുകൾ സൂചിപ്പിക്കുന്നത്.
അതേസമയം, രാജ്യത്തെ കോവിഡ് കേസുകളുടെ എണ്ണം കുറയുന്നത് ആശ്വാസം പകരുന്നുണ്ട്. ദിവസേനയുള്ള സാംപിൾ പരിശോധനകളുടെ എണ്ണം വർധിപ്പിച്ചതിനാൽ പുതിയതായി സ്‌ഥിരീകരിക്കുന്ന കേസുകളുടെ എണ്ണം കുറവാണ്. കഴിഞ്ഞ കുറച്ചു ദിവസങ്ങളിലായി രാജ്യത്ത് റിപ്പോർട്ട് ചെയ്യുന്ന കോവിഡ് മരണങ്ങളിലും കുറവ് അനുഭവപ്പെടുന്നുണ്ട്.
Read also: ഇന്ത്യൻ സാമ്പത്തിക മേഖല കരകയറുന്നു, വളർച്ച പ്രകടം; ഐഎംഎഫ്
