ന്യൂഡെൽഹി: കഴിഞ്ഞ 24 മണിക്കൂറിനിടെ രാജ്യത്ത് 1,260 പുതിയ കോവിഡ് കേസുകൾ റിപ്പോർട് ചെയ്തതായി കേന്ദ്ര ആരോഗ്യമന്ത്രാലയം അറിയിച്ചു. 0.24 ശതമാനമാണ് പ്രതിദിന പോസിറ്റിവിറ്റി നിരക്ക്.
1,404 പേരാണ് കഴിഞ്ഞ ദിവസം രോഗമുക്തി നേടിയത്. 83 മരണങ്ങളും റിപ്പോർട് ചെയ്യപ്പെട്ടു. 5,21,264 പേർക്കാണ് രാജ്യത്ത് ഇതുവരെ കോവിഡ് മൂലം ജീവൻ നഷ്ടമായത്.
നിലവിൽ 13,445 സജീവ കേസുകളാണ് രാജ്യത്തുള്ളത്. ഇത് മൊത്തം രോഗബാധയുടെ 0.03% മാത്രമാണ്.
കേരളത്തിൽ കഴിഞ്ഞ ദിവസം 418 പേർക്കാണ് കോവിഡ് സ്ഥിരീകരിച്ചത്. 15,864 സാമ്പിൾ പരിശോധനയ്ക്ക് വിധേയമാക്കി. രോഗമുക്തി നേടിയവർ 454 പേരും കോവിഡ് മരണം സ്ഥിരീകരിച്ചത് 3 പേർക്കുമാണ്.
അതേസമയം രാജ്യത്ത് വാക്സിനേഷനും പുരോഗമിക്കുകയാണ്. ഇതുവരെ 1,84,52,44,856 വാക്സിൻ ഡോസുകളാണ് രാജ്യത്തുടനീളം വിതരണം ചെയ്തത്.
Most Read: എസ്ഡിപിഐ, പോപ്പുലര് ഫ്രണ്ട് സംഘടനകളെ നിരോധിക്കണം; കര്ണാടക കോണ്ഗ്രസ്