ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിനുള്ളിൽ കോവിഡ് സ്ഥിരീകരിച്ചത് 14,264 പേർക്ക്. 90 മരണങ്ങൾ കൂടി രാജ്യത്ത് റിപ്പോർട് ചെയ്തതായി കേന്ദ്ര ആരോഗ്യ കുടുംബക്ഷേമ മന്ത്രാലയം അറിയിച്ചു.
നിലവിൽ രാജ്യത്തെ സജീവ കേസുകളുടെ എണ്ണം 1,45,634 ആണ്. ഇതുവരെ രാജ്യത്ത് കോവിഡ് സ്ഥിരീകരിച്ചത് 1,09,91,651 പേർക്കാണ്. 1,06,89,715 പേർ രോഗമുക്തിയും നേടി. ഒരു ദിവസത്തിനിടെ വൈറസ് ബാധിച്ച് 90 പേർ കൂടി മരിച്ചതോടെ രാജ്യത്തെ ആകെ കോവിഡ് മരണസംഖ്യ 1,56,302 ആയി ഉയർന്നു.
ആരോഗ്യ മന്ത്രാലയത്തിന്റെ കണക്കനുസരിച്ച് ശനിയാഴ്ച വൈകുന്നേരം വരെ 2,29,462 സെഷനുകളിലായി 1,08,38,323 പേരാണ് വാക്സിൻ സ്വീകരിച്ചത്.
63,52,713 ആരോഗ്യ പ്രവർത്തകരും 36,11,670 മുന്നണി പോരാളികളും വാക്സിന്റെ ആദ്യ ഡോസും 8,73,940 ആരോഗ്യ പ്രവർത്തകർ രണ്ടാം ഘട്ടത്തിലെ ഡോസും സ്വീകരിച്ചു.
അതേസമയം ശനിയാഴ്ച വരെ രാജ്യത്ത് 21,09,31,530 സാമ്പിളുകൾ പരിശോധിച്ചതായി ഇന്ത്യൻ കൗൺസിൽ ഓഫ് മെഡിക്കൽ റിസർച്ചിന്റെ കണക്കുകൾ വ്യക്തമാക്കുന്നു. 6,70,050 സാമ്പിളുകൾ ഫെബ്രുവരി 20ന് പരിശോധിച്ചു.
Read Also: ‘കാർഷിക നിയമങ്ങൾ രണ്ടു വർഷത്തേക്ക് മരവിപ്പിക്കണം’; പഞ്ചാബ് മുഖ്യമന്ത്രി