ന്യൂ ഡെൽഹി: കോവിഡ് രോഗമുക്തിയിൽ യുഎസിനെ മറികടന്ന് ഇന്ത്യ ഒന്നാം സ്ഥാനത്ത്. കേന്ദ്ര ആരോഗ്യമന്ത്രാലയം ആണ് ഇക്കാര്യം ട്വിറ്ററിലൂടെ പുറത്തുവിട്ടത്. ആഗോള തലത്തിൽ പ്രതിദിനം ഏറ്റവും കൂടുതൽ രോഗമുക്തി നേടുന്ന രാജ്യം ഇന്ത്യയാണെന്ന് ട്വീറ്റിൽ പറയുന്നു. കഴിഞ്ഞ 24 മണിക്കൂറിനുള്ളിൽ 95,885 പേരാണ് കോവിഡ് മുക്തി നേടിയത്. ഇതോടെ മൊത്തം രോഗമുക്തി നേടിയവരുടെ എണ്ണം 42 ലക്ഷം കടന്നു. 79.29 ശതമാനമാണ് രാജ്യത്തെ രോഗമുക്തി നിരക്ക്.
അതേസമയം, രാജ്യത്തെ കോവിഡ് രോഗികളുടെ എണ്ണം 53 ലക്ഷം കടന്നു. കഴിഞ്ഞ 24 മണിക്കൂറിനിടെ 93,337 പേർക്ക് കോവിഡ് സ്ഥിരീകരിച്ചു. ഇതോടെ ആകെ കോവിഡ് ബാധിതരുടെ എണ്ണം 53,08,015 ആയതായി കേന്ദ്ര ആരോഗ്യമന്ത്രാലയം അറിയിച്ചു. ആഗോളതലത്തിൽ, കോവിഡ് ഏറ്റവും കൂടുതൽ ബാധിച്ച രണ്ടാമത്തെ രാജ്യമാണ് ഇന്ത്യ.
India overtakes #USA and becomes No.1 in terms of global #COVID19 RECOVERIES.
TOTAL RECOVERIES cross 42 lakh.https://t.co/sJf1AS4zBg@PMOIndia @drharshvardhan @AshwiniKChoubey @PIB_India @DDNewslive @airnewsalerts @COVIDNewsByMIB @CovidIndiaSeva @ICMRDELHI
— Ministry of Health (@MoHFW_INDIA) September 19, 2020
കഴിഞ്ഞ ദിവസങ്ങളെ അപേക്ഷിച്ച് രോഗം സ്ഥിരീകരിച്ചവരുടെ എണ്ണത്തിൽ നേരിയ കുറവുണ്ടെങ്കിലും രാജ്യത്തെ കോവിഡ് മരണം ഉയർന്നു തന്നെ നിൽക്കുകയാണ്. ആകെ മരണസംഖ്യ 85,619 ആയി ഉയർന്നു. ഇന്നും ആയിരത്തിന് മുകളിൽ മരണം റിപ്പോർട്ട് ചെയ്‌തു. 24 മണിക്കൂറിനിടെ 1247 പേരാണ് കോവിഡ് ബാധിച്ച് മരിച്ചത്.
Kerala News: ജാതികോളം പൂരിപ്പിക്കുന്നതിലെ പിഴവ്; വിദ്യാര്‍ത്ഥികളുടെ പ്ലസ് വൺ പ്രവേശനം പാതിവഴിയില്‍
