ന്യൂഡെൽഹി: കഴിഞ്ഞ 24 മണിക്കൂറിനിടെ രാജ്യത്ത് 94,052 കോവിഡ് കേസുകൾ കൂടി സ്‌ഥിരീകരിച്ചു. 1,51,367 പേർ കോവിഡ് മുക്‌തരായി. 6,148 കോവിഡ് മരണങ്ങളും സ്‌ഥിരീകരിച്ചതായി കേന്ദ്ര ആരോഗ്യ മന്ത്രാലയം അറിയിച്ചു. രാജ്യത്ത് ഒരു ദിവസം റിപ്പോർട് ചെയ്യുന്ന ഏറ്റവും ഉയർന്ന പ്രതിദിന മരണ നിരക്കാണിത്. കോവിഡ് മരണത്തിന്റെ കണക്കുകൾ ബിഹാർ സർക്കാർ പരിഷ്‌കരിച്ചതിന് പിന്നാലെയാണ് മരണനിരക്ക് വലിയ തോതിൽ ഉയരുന്നത്.
2,91,83,121 പേർക്ക് ഇതുവരെ ഇന്ത്യയിൽ കോവിഡ് സ്‌ഥിരീകരിച്ചു. 3,59,676 പേർ കോവിഡ് ബാധിച്ച് മരണമടയുകയും ചെയ്‌തു. 2,76,55,493 കോവിഡ് മുക്‌തി നേടി. 11,67,952 പേർ നിലവിൽ ചികിൽസയിൽ തുടരുന്നുണ്ട്. രോഗമുക്‌തി നിരക്ക് 94.77 ശതമാനമായി. ടെസ്‌റ്റ്‌ പോസിറ്റിവിറ്റി നിരക്ക് 4.69 ശതമാനമായി കുറഞ്ഞു.
23,90,58,360 പേർ ഇതുവരെ കോവിഡ് പ്രതിരോധ വാക്‌സിൻ സ്വീകരിച്ചതായി ആരോഗ്യ മന്ത്രാലയം അറിയിച്ചു. 37,21,98,253 സാമ്പിളുകൾ ഇതുവരെ പരിശോധിച്ചു. ഇതിൽ 20,04,690 സാമ്പിളുകൾ ഇന്നലെ മാത്രം പരിശോധിച്ചതായി ഇന്ത്യൻ കൗൺസിൽ ഓഫ് മെഡിക്കൽ റിസർച്ച് അറിയിച്ചു.
Read also: സംസ്‌ഥാനത്ത് സുരക്ഷാ സാമഗ്രികളുടെ ക്ഷാമം; ആരോഗ്യ പ്രവർത്തകർക്ക് ആശങ്ക
