ന്യൂഡെൽഹി: രാജ്യത്ത് കോവിഡ് കേസുകൾ ഉയർന്നു തന്നെ. കഴിഞ്ഞ 24 മണിക്കൂറിനിടെ 20,528 പുതിയ കേസുകൾ ഇന്ത്യയിൽ റിപ്പോർട് ചെയ്തതായി കേന്ദ്ര ആരോഗ്യ മന്ത്രാലയം അറിയിച്ചു. കഴിഞ്ഞ ദിവസത്തെ അപേക്ഷിച്ചു 2,689 കേസുകളുടെ വർധനവ് ഉണ്ടായി. ഇതോടെ ആകെ കേസുകളുടെ എണ്ണം 4,37,50,599 ആയി ഉയർന്നു.
ഇന്നലെ 49 മരണങ്ങളും റിപ്പോർട് ചെയ്തു. ഇതോടെ ആകെ മരിച്ചവരുടെ എണ്ണം 5,25,709 ആയി. 1,43,449 പേരാണ് ചികിൽസയിൽ ഉള്ളത്. 98.47 ശതമാനമാണ് രാജ്യത്തെ രോഗമുക്തി നിരക്ക്. കേരളത്തിൽ ഇന്നലെ 2601 പേർക്കാണ് കോവിഡ് സ്ഥിരീകരിച്ചത്. 24 മരണങ്ങളും റിപ്പോർട് ചെയ്തു. അതിനിടെ, രാജ്യത്തെ കോവിഡ് വാക്സിൻ വിതരണം ഇന്ന് 200 കോടി കടക്കും. 2 ബില്യൺ ഡോസ് 18 മാസം വിതരണം ചെയ്യുന്നത്.
Most Read: ആറളം ഫാമിൽ വീണ്ടും കാട്ടാന ആക്രമണം; മരങ്ങൾ പിഴുതെറിഞ്ഞു