ന്യൂഡെൽഹി: ഐക്യരാഷ്‌ട്ര സഭയുടെ സുരക്ഷാ കൗൺസിലിലെ ഓഗസ്‌റ്റ് മാസത്തെ അധ്യക്ഷ പദവി ഇന്ത്യയ്‌ക്ക്‌. ഓഗസ്‌റ്റ് 9ന് നടക്കുന്ന സുരക്ഷാ കൗൺസിൽ യോഗത്തിൽ പ്രധാനമന്ത്രി നരേന്ദ്രമോദി അധ്യക്ഷത വഹിക്കും. ഇതാദ്യമായാണ് ഇന്ത്യയിൽ നിന്നൊരു രാഷ്‌ട്രീയ നേതാവ് സുരക്ഷാ കൗൺസിൽ യോഗത്തിൽ അധ്യക്ഷനാകുന്നത്. ഓൺലൈനായാണ് യോഗം നടക്കുക.
രാജ്യത്തെ സംബന്ധിച്ച് വലിയ അംഗീകാരവും നേട്ടവുമാണിതെന്ന് യുഎന്നിലെ ഇന്ത്യയിൽ നിന്നുള്ള മുൻ സ്‌ഥിരം ക്ഷണിതാവായിരുന്ന സൈയദ് അക്ബറുദ്ദീൻ പറഞ്ഞു. നമ്മുടെ നേതൃത്വം മുന്നിൽ നിന്ന് നയിക്കുന്നതിൽ തൽപരരാണെന്നത് ഇതിലൂടെ വ്യക്‌തമാകുന്നുവെന്നും അക്ബറുദ്ദീൻ പറഞ്ഞു. ട്വിറ്ററിലൂടെയായിരുന്നു അദ്ദേഹത്തിന്റെ പ്രതികരണം.
A first in the making…
With India as President of @UN Security Council in August, an Indian Prime Minister may perhaps preside, albeit virtually, a Council meeting for 1st time on 9 August 2021.
Pic: From last visit of PM Shri @narendramodi to UN in 2019. pic.twitter.com/OxaZbKZsNq
— Syed Akbaruddin (@AkbaruddinIndia) August 1, 2021
ഫ്രാൻസായിരുന്നു ജൂലായ് മാസത്തിൽ അധ്യക്ഷ സ്‌ഥാനം അലങ്കരിച്ചിരുന്നത്. യുഎന്നിലെ ഇന്ത്യൻ അംബാസഡർ ടിഎസ് തിരുമൂർത്തി ഫ്രാൻസിൽ നിന്ന് അധ്യക്ഷപദവി ഏറ്റെടുത്തു. ഫ്രഞ്ച് പ്രതിനിധിയോട് അദ്ദേഹം നന്ദിയറിയിച്ചു. അന്താരാഷ്‌ട്ര സുരക്ഷ, സമാധാനം എന്നിവയിലേക്ക് ഇന്ത്യയുടെ ഭാഗത്ത് നിന്ന് വലിയ സംഭാവനകൾ ഉണ്ടാവുമെന്നും തിരുമൂർത്തി പറഞ്ഞു.
Read Also: പെഗാസസിൽ സ്വതന്ത്രാന്വേഷണം; സുപ്രീം കോടതി വ്യാഴാഴ്‌ച ഹരജി പരിഗണിക്കും
