ഡെല്ഹി: രാജ്യത്ത് റെയില് ഗതാഗതം പുനരാരംഭിക്കാന് ഒരുങ്ങുന്നു. കോവിഡ് പ്രതിസന്ധിക്ക് ശേഷം ട്രെയിന് സര്വീസ് ആരഭിക്കുന്നതിന്റെ ഭാഗമായി സ്പെഷ്യല് സര്വീസുകളാണ് ആരംഭിക്കുന്നത്. സെപ്റ്റംബര് 12 മുതല് 40ഓളം റൂട്ടുകളില് ട്രെയിന് ഓടിത്തുടങ്ങും. 10 മുതല് സീറ്റ് ബുക്കിങ് ആരംഭിക്കുമെന്നും റെയില്വെ ബോര്ഡ് ചെയര്മാന് വിനോദ് കുമാര് യാദവ് അറിയിച്ചു.
സംസ്ഥാന സര്ക്കാരുകളുടെ അഭ്യര്ഥനയും പരീക്ഷയും മറ്റു പ്രധാന ആവശ്യങ്ങളും പരിഗണിച്ചാണ് സര്വീസ് ആരംഭിക്കാന് കേന്ദ്രം അനുമതി നല്കുന്നത്. നാളെ നടക്കുന്ന നാഷണല് ഡിഫന്സ് അക്കാഡമി, നേവല് അക്കാഡമി 2020, പ്രവേശന പരീക്ഷകള്ക്കും ഡെല്ഹി യൂണിവേഴ്സിറ്റി പിജി പരീക്ഷക്കും കേരളത്തിലെ സെന്ററുകളായ എറണാകുളത്തും, തിരുവനന്തപുരത്തും എത്തേണ്ട പരീക്ഷാര്ത്ഥികള്ക്ക് കോവിഡ്-19 പ്രത്യേക സാഹചര്യങ്ങള് കണക്കിലെടുത്ത് ദക്ഷിണ റെയില്വേ രണ്ട് അണ് റിസര്വ്ഡ് ട്രെയിന് സര്വീസ് നടത്തുമെന്ന് നേരത്തെ അറിയിച്ചിരുന്നു.