കാബൂൾ: താലിബാൻ തീവ്രവാദികൾ കാബൂളിൽ തടഞ്ഞുവെച്ച ഇന്ത്യക്കാരെ മോചിപ്പിച്ചു. ഇവർ നിലവിൽ കാബൂൾ വിമാനത്താവളത്തിൽ എത്തിയതായാണ് വിവരം. അതേസമയം, വിദേശികളെ തട്ടിക്കൊണ്ട് പോയിട്ടില്ലെന്ന് താലിബാൻ വ്യക്തമാക്കി. അഫ്ഗാൻ വിടുന്ന ചില വിദേശികളെ ചോദ്യം ചെയ്യുകയും രേഖകൾ പരിശോധിക്കുകയും മാത്രമാണ് ചെയ്തതെന്ന് താലിബാനികൾ പറയുന്നു.
അഫ്ഗാനിൽ കുടുങ്ങിയ ഇന്ത്യക്കാരുമായി വ്യോമസേനയുടെ വിമാനം പുറപ്പെട്ടതിന് പിന്നാലെയാണ് ഒരു സംഘം ഇന്ത്യക്കാരെ താലിബാൻ തട്ടിക്കൊണ്ട് പോയതായി വാർത്തകൾ പുറത്തുവന്നത്. രാജ്യത്ത് ഏറെ ആശങ്കയുണ്ടാക്കിയ സംഭവമായിരുന്നു ഇത്. 150 പേരടങ്ങുന്ന ഇന്ത്യൻ സംഘത്തെയാണ് താലിബാൻ തട്ടിക്കൊണ്ട് പോയത്. എന്നാൽ, ഇവരുടെ പാസ്പോർട്ടും ടിക്കറ്റും പരിശോധിക്കുക മാത്രമാണ് ചെയ്തതെന്നാണ് താലിബാന്റെ വിശദീകരണം.
അതേസമയം, 85 ഇന്ത്യക്കാരുമായി ഇന്ത്യൻ വ്യോമസേനയുടെ സി- 130ജെ വിമാനം കാബൂളിൽ നിന്ന് പുറപ്പെട്ടു. രാത്രിയോടെ എത്തിച്ചേരുമെന്നാണ് സൂചന.
Also Read: സൂചിയില്ലാ വാക്സിൻ; സൈകോവ്- ഡി അടുത്ത മാസം വിപണിയിൽ