തിരുവനന്തപുരം: മൂവാറ്റുപുഴ എംഎൽഎ മാത്യു കുഴൽനാടനെതിരെ സ്പീക്കർക്ക് നോട്ടീസ്. കല്യാശ്ശേരി എംഎൽഎ എം വിജിൻ കേരള നിയമസഭയുടെ ചട്ടം 154 പ്രകാരം അവകാശ ലംഘനത്തിനാണ് നോട്ടീസ് നൽകിയിരിക്കുന്നത്.
എറണാകുളത്ത് രജിസ്റ്റർ ചെയ്ത പോക്സോ കേസിലെ രണ്ടാം പ്രതിയെ സംരക്ഷിക്കുകയും മുൻകൂർ ജാമ്യാപേക്ഷ ഫയൽ ചെയ്യുകയും ചെയ്ത സാഹചര്യത്തിലാണ് എംഎൽഎക്ക് എതിരെ സ്പീക്കർ എംബി രാജേഷിന് അവകാശലംഘനം ചൂണ്ടിക്കാട്ടി നോട്ടീസ് നൽകിയത്.
എംഎൽഎയുടെ പ്രവർത്തികൾ പദവിക്ക് കളങ്കമാണെന്നും സഭയുടെയും അംഗങ്ങളുടെയും അന്തസിന് ഹാനി വരുത്തുകയും ചെയ്തെന്നും നോട്ടീസിൽ പറയുന്നു. ഡിവൈഎഫ്ഐ സംസ്ഥാന കമ്മിറ്റിയുടെ തീരുമാന പ്രകാരമാണ് വൈസ് പ്രസിഡണ്ട് കൂടിയായ എം വിജിൻ എംഎൽഎയുടെ പരാതി.
Also Read: സ്പൈനല് മസ്കുലര് അട്രോഫി ചികിൽസ; മെഡിക്കൽ ബോർഡ് രൂപീകരിക്കാൻ നിർദ്ദേശം