കൊച്ചി: കേരള ഷിപ്പിങ് ആന്‍ഡ് ഇന്‍ലാന്‍ഡ് നാവിഗേഷന്‍ കോര്‍പ്പറേഷന്‍ (കെഎസ്ഐഎൻസി) മാനേജിങ് ഡയറക്‌ടർ എൻ പ്രശാന്തിന് എതിരെ അന്വേഷണത്തിന് ഉത്തരവ്. മാദ്ധ്യമ പ്രവർത്തകയോട് അപമര്യാദയായി പെരുമാറിയെന്ന പരാതിയിലാണ് അന്വേഷണം പ്രഖ്യാപിച്ചിരിക്കുന്നത്.
ആഭ്യന്തര വകുപ്പ് അഡീഷണൽ സെക്രട്ടറി ടികെ ജോസിനാണ് അന്വേഷണ ചുമതല. ചീഫ് സെക്രട്ടറിയാണ് ഇതു സംബന്ധിച്ച ഉത്തരവ് പുറത്തിറക്കിയത്. പരാതി ഗൗരവമുള്ളതാണെന്നും വിശദമായ അന്വേഷണം നടത്തി ഒരു മാസത്തിനകം റിപ്പോർട് സമർപ്പിക്കണം എന്നുമാണ് ഉത്തരവിൽ പറയുന്നത്.
ആഴക്കടല്‍ മൽസ്യബന്ധന പദ്ധതിയുമായി ബന്ധപ്പെട്ട് കെഎസ്ഐഎൻസി എംഡിയായ പ്രശാന്തിനോട് ഇതുസംബന്ധിച്ച് പ്രതികരണം ആരാഞ്ഞ മാദ്ധ്യമ പ്രവർത്തകയെ അശ്‌ളീലച്ചുവയുള്ള ഇമോജികളിലൂടെ പ്രശാന്ത് ആക്ഷേപിച്ചത് ഏറെ വിവാദമായിരുന്നു. മാദ്ധ്യമ പ്രവർത്തകരെ മുഴുവൻ അവഹേളിക്കുന്ന തരത്തിലുള്ള പ്രതികരണമാണ് പ്രശാന്തിന്റെ ഭാഗത്ത് നിന്നുണ്ടായതെന്നും ആരോപണം ഉയർന്നിരുന്നു.
Read also: കാനറ ബാങ്ക് തട്ടിപ്പ്; അന്വേഷണം ക്രൈം ബ്രാഞ്ചിന് കൈമാറി
