കോട്ടയം: ജോസ് കെ മാണി രാജ്യസഭാംഗത്വം രാജി വെച്ചു. രാജിക്കത്ത് ജോസ് കെ മാണി രാഷ്ട്രപതിക്ക് കൈമാറി. നിയമസഭാ തിരഞ്ഞെടുപ്പില് പാലാ സീറ്റില് നിന്ന് മല്സരിക്കാനാണ് എംപി സ്ഥാനം രാജിവെച്ചതെന്നാണ് സൂചന.
ജോസ് കെ മാണി രാജിവെച്ച ഒഴിവില് വരുന്ന രാജ്യസഭാ സീറ്റ് കേരള കോണ്ഗ്രസിന് തന്നെ ലഭിക്കുമെന്ന് സൂചനയുണ്ട്. കേരളാ കോണ്ഗ്രസ് എം പിളര്ത്തി ഇടത് മുന്നണിയിലെത്തിയ ജോസ് കെ മാണിക്ക് പാലാ സീറ്റ് നല്കിയാല് നിലവില് പാലാ എംഎല്എയായ മാണി സി കാപ്പനും പാര്ട്ടിയായ എന്സിപിയും എല്ഡിഎഫ് വിടുമെന്ന് ഭീഷണി ഉണ്ടായിരുന്നു. എന്സിപി പോകുന്നെങ്കില് പോകട്ടെയെന്ന് സിപിഎം നിലപാട് സ്വീകരിച്ചതോടെയാണ് ജോസ് കെ മാണി എംപി സ്ഥാനം രാജിവെച്ച് നിയമസഭ തിരഞ്ഞെടുപ്പില് മല്സരിക്കാന് ഒരുങ്ങുന്നത്.