തിരുവനന്തപുരം: ബാർകോഴ കേസിൽ പുതിയ ആരോപണവുമായി എത്തിയ ബിജു രമേശിന് മറുപടിയുമായി ജോസ് കെ മാണി. കെ.എം മാണിക്കെതിരേ ഒരു തെളിവുമില്ലാതെ ഉന്നയിച്ച നീചമായ ആരോപണങ്ങളുടെ ആവർത്തനവുമായാണ് ബാറുടമ ബിജു രമേശ് രംഗത്ത് എത്തിയിരിക്കുന്നതെന്ന് ജോസ് കെ മാണി പറയുന്നു. അന്ന് പിതാവിനെ വേട്ടയാടിയവർ ഇന്ന് തന്നെ ലക്ഷ്യം വെക്കുന്നു. ഇതുവരെ ഉന്നയിക്കാത്ത ഒരു ആരോപണവുമായി ബിജു രമേശ് ഇപ്പോൾ എത്തിയതിന്റെ പിന്നിലെ രാഷ്‌ട്രീയ ലക്ഷ്യം ജനങ്ങൾക്ക് തിരിച്ചറിയാൻ കഴിയുമെന്നും ജോസ് കെ മാണി പറഞ്ഞു.
Related News: ബാർകോഴ; ആദ്യം ഭീഷണി, പിന്നീട് 10 കോടി; ജോസ് കെ മാണിക്കെതിരേ ബിജു രമേശ്
ബാർകോഴ കേസ് പിൻവലിക്കാൻ ജോസ് കെ മാണി ഭീഷണിപ്പെടുത്തുകയും പിന്നീട് പണം വാഗ്‌ദാനം ചെയ്‌തുവെന്നും ബിജു രമേശ് ആരോപിച്ചിരുന്നു. ഇതുമായി ബന്ധപ്പെട്ട തെളിവുകൾ വിജിലൻസിന് കൈമാറിയിട്ടുണ്ടെന്നും ബിജു വ്യക്‌തമാക്കി. ബാർകോഴ കേസിൽ രാഷ്‌ട്രീയ ഗൂഡാലോചനയുണ്ടെന്ന റിപ്പോർട്ട് സത്യമാണെന്ന് ജോസ് കെ മാണി പറഞ്ഞാൽ പത്ത് കോടി രൂപ നഷ്‌ടപരിഹാരം ആവശ്യപ്പെട്ട് മാനനഷ്‌ടക്കേസ് കൊടുക്കുമെന്നും ബിജു അറിയിച്ചിട്ടുണ്ട്.
