ഡെല്‍ഹി: ബിജെപിയിലെ ഭിന്നതകള്‍ക്കിടെ സംസ്‌ഥാന പ്രസിഡണ്ട് കെ സുരേന്ദ്രന്‍ പാര്‍ട്ടി ദേശീയ അധ്യക്ഷന്‍ ജെപി നഡ്ഡയെ ഇന്ന് കാണും. തദ്ദേശ ഭരണ തിരഞ്ഞെടുപ്പുമായി ബന്ധപ്പെട്ട ചര്‍ച്ചകള്‍ക്ക് ആയാണ് കൂടിക്കാഴ്‌ചയെന്നാണ് ഒദ്യോഗിക വിശദീകരണം.
സുരേന്ദ്രനെതിരെ മുതിര്‍ന്ന ബിജെപി നേതാവ് ശോഭാ സുരേന്ദ്രന്‍ രണ്ട് തവണ കേന്ദ്ര നേതൃത്വത്തിന് കത്തയച്ചിരുന്നു. പിഎം വേലായുധന്‍, കെപി ശ്രീശന്‍ അടക്കമുള്ള മുതിര്‍ന്ന നേതാക്കളും സംസ്‌ഥാന നേതൃത്വത്തെ പരസ്യമായി വിമര്‍ശനം ഉന്നയിച്ചിരുന്നു.
Also Read: സിഎഎയിൽ പ്രതിഷേധിച്ച് ഐഎഎസ് ഉപേക്ഷിച്ച എസ് ശശികാന്ത് കോൺഗ്രസിൽ ചേർന്നു
ഈ സാഹചര്യത്തിലാണ് ഡെല്‍ഹിയില്‍ തിരക്കിട്ട് ചര്‍ച്ചകള്‍ നടക്കുന്നതെന്നാണ് സൂചന. അതേസമയം, തന്നെ വിളിപ്പിച്ചതല്ലെന്നും തദ്ദേശ തെരഞ്ഞെടുപ്പ് അടക്കമുള്ള കാര്യങ്ങള്‍ ചര്‍ച്ച ചെയ്യാനാണ് എത്തിയതെന്നും സുരേന്ദ്രന്‍ വിശദീകരിച്ചു.
