കൊച്ചി: തൃക്കാക്കരയിലെ ട്വന്റി 20യുടെ പിന്മാറ്റം എന്ഡിഎക്ക് അനുകൂലമാകുമെന്ന് ബിജെപി സംസ്ഥാന പ്രസിഡണ്ട് കെ സുരേന്ദ്രന്. കഴിഞ്ഞ തിരഞ്ഞെടുപ്പിൽ ട്വന്റി 20 പിടിച്ചത് എല്ഡിഎഫ്- യുഡിഎഫ് വിരുദ്ധ വോട്ടുകളാണെന്നും തൃക്കാക്കരയിലെ ഇന്നത്തെ സാമൂഹ്യ അന്തരീക്ഷം എന്ഡിഎക്ക് അനുകൂലമാണെന്നും സുരേന്ദ്രന് പറഞ്ഞു.
ഭീകരവാദ ശക്തികളുടെ പ്രവര്ത്തനങ്ങള്ക്ക് ഇരയാകേണ്ടി വരുന്ന സമൂഹം ഒറ്റക്കെട്ടായി എന്ഡിഎക്ക് ഒപ്പം നില്ക്കും. ക്രൈസ്തവ സമൂഹത്തിന്റെ പരാതികള് കേള്ക്കാനോ പരിഹരിക്കാനോ ഇടതു വലതു മുന്നണികൾ തയ്യാറായിട്ടില്ല. അവര് മതഭീകരവാദികളെ സഹായിക്കുന്നതിന്റെ പിന്നാലെയാണ്. സില്വര് ലൈന് വരുന്നതിനെതിരെ കടുത്ത നിലപാട് കേരളത്തിലെ ബിജെപി സ്വീകരിച്ചിട്ടുണ്ട്. അത് വോട്ടര്മാര്ക്ക് അറിയാമെന്നും കെ സുരേന്ദ്രന് പറഞ്ഞു.
ബിജെപി സ്ഥാനാർഥി എഎന് രാധാകൃഷ്ണന് നാമനിര്ദേശ പത്രിക സമർപ്പണത്തിന് പിന്നാലെയാണ് സുരേന്ദ്രന്റെ പ്രതികരണം. തികഞ്ഞ വിജയ പ്രതീക്ഷയാണുള്ളതെന്ന് പത്രികാ സമര്പ്പണത്തിന് ശേഷം എഎന് രാധാകൃഷ്ണന് പറഞ്ഞു.
Read also: ജമ്മു കശ്മീരിൽ 4 ഹൈബ്രിഡ് ഭീകരർ പിടിയിൽ