കണ്ണൂർ: കണ്ണൂർ- ആലപ്പുഴ എക്‌സിക്യൂട്ടീവ് എക്‌സ്‌പ്രസ് പാളംതെറ്റി. കണ്ണൂർ റെയിൽവേ സ്‌റ്റേഷനു സമീപം ഇന്ന് പുലർച്ചെ 4.40ന് ആണ് സംഭവം. ട്രെയിൻ പുറപ്പെടാനായി പ്ളാറ്റുഫോമിലേക്ക് എത്തിക്കുമ്പോഴാണ് അപകടമുണ്ടായത്. ഇതേ തുടർന്ന് ട്രെയിൻ ഒരുമണിക്കൂർ വൈകിയാണ് കണ്ണൂരിൽ നിന്ന് പുറപ്പെട്ടത്. ഏറ്റവും പിന്നിലായുള്ള രണ്ടു ബോഗികളാണ് പാളം തെറ്റിയത്. അപകടസമയത്ത് യാത്രക്കാർ ഉണ്ടായിരുന്നില്ല.
ബോഗികൾ പാളം തെറ്റിയപ്പോൾ സിഗ്‌നൽ ബോക്‌സ് ഉൾപ്പടെ തകർന്നു. പ്രധാന പാതക്ക് സമാന്തരമായുള്ള പാളത്തിലാണ് സംഭവം നടന്നത്. അതിനാൽ മറ്റു ട്രെയിൻ സർവീസുകളെ അപകടം ബാധിച്ചിട്ടില്ല. പാളം തെറ്റിയ രണ്ടു ബോഗികളും വേർപ്പെടുത്തിയതിന് ശേഷമാണ് ട്രെയിൻ യാത്ര ആരംഭിച്ചത്. ട്രെയിൻ പാളം തെറ്റിയ സംഭവത്തെ കുറിച്ചുള്ള കാരണം പഠിച്ചുവരികയാണെന്ന് റെയിൽവേ അറിയിച്ചു.
Most Read| കോടികളുടെ പാരമ്പര്യ സ്വത്ത്; ആവശ്യക്കാർക്ക് വിതരണം ചെയ്യാനൊരുങ്ങി 31-കാരി
