തൃശൂര്‍: പച്ചക്കറി കടയുടെ മറവില്‍ അനധികൃത മദ്യ വില്‍പന നടത്തിയ രണ്ട് പേര്‍ അറസ്‌റ്റില്‍. മൈസൂര്‍ നഞ്ചന്‍കോട് പുതുകുളങ്ങര വീട്ടില്‍ സത്യന്‍ (42), കുറ്റൂര്‍ ചാമക്കാട് പുതുകുളങ്ങര വീട്ടില്‍ ശരത് (26) എന്നിവരെയാണ് തൃശൂര്‍ എക്‌സൈസ് ഇന്റലിജന്‍സും കോലഴി റേഞ്ച് ഇന്‍സ്‌പെക്‌ടര്‍ എസ് ബിജു ദാസും സംഘവും അമല കുറ്റൂര്‍ റോഡില്‍ വെച്ച് പിടികൂടിയത്. ഇവരില്‍ നിന്നു 45 ലിറ്റര്‍ കര്‍ണാടക നിര്‍മിത മദ്യവും പിടിച്ചെടുത്തു. ബോട്ടിലിന് 3000 രൂപ നിരക്കിലായിരുന്നു ഇവര്‍ മദ്യം വിറ്റിരുന്നത്. മൈസൂരുവില്‍ നിന്ന് തൃശൂരിലേക്ക് കൊണ്ട് വരുന്ന പച്ചക്കറികൾക്ക് ഇടയിൽ ഒളിപ്പിച്ചായിരുന്നു മദ്യക്കടത്ത്.
Read also: രാജ്യത്തെ ആഭ്യന്തര വിമാന ടിക്കറ്റ് ചാർജ് വർധിപ്പിച്ചു; പുതുക്കിയ നിരക്ക് ജൂൺ ഒന്ന് മുതൽ
