കോഴിക്കോട്: കത്വ ഫണ്ട് തട്ടിപ്പ് പരാതിയില് യൂത്ത്ലീഗ് ജനറല് സെക്രട്ടറി പികെ ഫിറോസിനെതിരെ കേസെടുത്ത് പോലീസ്. യൂത്ത്ലീഗ് മുന് ദേശീയ അംഗം യൂസഫ് പടനിലം നല്കിയ പരാതിയിലാണ് കേസ്. കുന്നമംഗലം പോലീസാണ് കേസെടുത്തത്.
കത്വ, ഉന്നാവ് പെണ്കുട്ടികള്ക്കായി യൂത്ത്ലീഗ് നടത്തിയ ധനസമാഹരണത്തില് അട്ടിമറി നടന്നതായാണ് യൂസഫ് പടനിലത്തിന്റെ ആരോപണം. സംസ്ഥാന ജനറല് സെക്രട്ടറി പികെ ഫിറോസ്, സികെ സുബൈര് എന്നിവര്ക്ക് എതിരെയാണ് യൂസഫ് പടനിലത്തിന്റെ ആരോപണം. ഒരു കോടിയോളം രൂപ ഇരകള്ക്ക് കൈമാറാതെ സംസ്ഥാന നേതാക്കള് വിനിയോഗിച്ചതായി പരാതിയിൽ പറയുന്നു.
Read Also: സലിം കുമാറിന് രാഷ്ട്രീയ ലക്ഷ്യം; വിവാദത്തിൽ പ്രതികരിച്ച് കമൽ