കൊച്ചി: അടുത്ത മാസം അഞ്ച് മുതൽ ഒക്ടോബർ 3 വരെ കൊൽക്കത്തയിൽ വച്ച് നടക്കുന്ന വിഖ്യാതമായ ഡ്യൂറന്റ് കപ്പ് ഫുട്ബോളിൽ കേരളത്തിന്റെ ഐഎസ്എൽ ടീമായ കേരള ബ്ളാസ്റ്റേഴ്സും കളത്തിൽ ഇറങ്ങും. വരാനിരിക്കുന്ന ഐഎസ്എൽ സീസണിന് മുന്നോടിയായുള്ള പ്രീസീസൺ ടൂർണമെന്റ് എന്ന നിലയിലാണ് ഇവാൻ മ്യൂക്കോവിച്ചിന്റെ സംഘം മൽസരിക്കാൻ തയ്യാറെടുക്കുന്നത്.
കെബിഎഫ്സിക്ക് പുറമെ ഐ-ലീഗിലെ കേരള സാന്നിധ്യമായ ഗോകുലം എഫ്സിയും ഇത്തവണ ടൂർണമെന്റിൽ പങ്കെടുക്കുന്നുണ്ട്. ഐഎസ്എല്ലിൽ നിന്ന് കെബിഎഫ്സിക്ക് പുറമെ നാല് ടീമുകൾ കൂടി ഉണ്ടെന്നാണ് സംഘാടകർ അറിയിച്ചിരിക്കുന്നത്.
എഫ്സി ഗോവ, ബെംഗളൂരു എഫ്സി, ഹൈദരാബാദ് എഫ്സി, ജംഷഡ്പൂർ എഫ്സി എന്നിവയാണ് മറ്റ് ഐഎസ്എൽ ക്ളബുകൾ. ഇതിനൊപ്പം പ്രമുഖ ടീമുകളായ സുദേവ എഫ്സി, ഇന്ത്യൻ ആർമി ടീമുകൾ, ഡെൽഹി എഫ്സി, ഇന്ത്യൻ നേവി തുടങ്ങിയവയും കിരീടത്തിനായി പോരടിക്കും. ഡ്യൂറന്റ് കപ്പിന്റെ നൂറ്റിമുപ്പതാമത് പതിപ്പാണ് അടുത്ത മാസം നടക്കാനിരിക്കുന്നത്.
Read Also: ‘അന്യൻ’ ഹിന്ദി റീമേക്ക് പ്രതിസന്ധിയിൽ; ഉടമസ്ഥതയെ ചൊല്ലി തർക്കം