തിരുവനന്തപുരം : വിദേശ നിർമിത മദ്യത്തിന്റെ വില കൂട്ടാൻ തീരുമാനിച്ച് കേരളം. ഇതോടെ വിദേശ നിർമിത പ്രമുഖ ബ്രാൻഡുകൾക്ക് 1000 രൂപയുടെ വരെ വർധന ഉണ്ടാകും. കോവിഡ് വ്യാപനം തീർത്ത സാമ്പത്തിക പ്രതിസന്ധി മറികടക്കാനുള്ള നടപടികളുടെ ഭാഗമായാണ് ഇപ്പോൾ വിദേശ നിർമിത മദ്യത്തിന്റെ വില കൂട്ടാൻ തീരുമാനമായത്.
അതേസമയം ഇന്ത്യൻ നിർമിത വിദേശമദ്യം, ബിയർ, വൈൻ എന്നിവയുടെ വിലയിൽ വർധന ഉണ്ടാകില്ല. വിദേശ നിർമിത മദ്യത്തിന് വെയര്‍ ഹൗസ് മാര്‍ജിന്‍ 5 ശതമാനത്തില്‍ നിന്ന് 14 ശതമാനമായും, റീട്ടെയില്‍ മാര്‍ജിന്‍ 3 ശതമാനത്തില്‍ നിന്ന് 20 ശതമാനമായുമാണ് ഉയര്‍ത്തിയത്. ഇതിന്റെ അടിസ്‌ഥാനത്തിലാണ് ഇപ്പോൾ പ്രമുഖ ബ്രാൻഡുകൾക്ക് 1000 രൂപയുടെ വരെ വർധന ഉണ്ടായത്. എന്നാൽ ബെവ്കോയുടെ പ്രതിമാസ വിൽപനയിൽ 0.2 ശതമാനമാണ് വിദേശ നിർമിത മദ്യത്തിന്റെ വിൽപന.
Read also : ത്രസിപ്പിക്കുന്ന ട്രെയ്‌ലറുമായി ‘വിൻസെന്റ് ആൻഡ് ദി പോപ്പ്’; നായകൻ റോഷൻ ബഷീർ
