തിരുവനന്തപുരം: കേരളം സാഹോദര്യത്തിന് പേരുകേട്ട നാടാണെന്നും ഇത് തകർക്കാൻ ചിലർ ശ്രമം നടത്തുന്നുണ്ടെന്നും ഗവർണർ ആരിഫ് മുഹമ്മദ് ഖാൻ. ആലപ്പുഴയിൽ നടന്ന പോപ്പുലർ ഫ്രണ്ട് വിദ്വേഷ മുദ്രാവാക്യം കണ്ടിട്ടില്ല. അതിനെ കുറിച്ച് കൂടുതൽ ഒന്നും അറിയില്ലെന്നും ഗവർണർ പറഞ്ഞു.
വിസ്മയ കേസ് വിധി വ്യക്തിപരമായി നിരാശയും ദുഃഖവുമാണ്. എന്നാൽ, വിസ്മയക്കും കുടുംബത്തിനും നീതി ലഭിച്ചതിൽ സന്തോഷമുണ്ട്. ഇനി വിസ്മയമാർ ഉണ്ടാവാതിരിക്കട്ടെ. ഈ വിധി ശക്തമായ സന്ദേശം നൽകുമെന്നും ഗവർണർ പറഞ്ഞു.
അതിനിടെ, ആലപ്പുഴ മതവിദ്വേഷ കേസിൽ പോലീസ് ഒരാളുടെ അറസ്റ്റ് രേഖപ്പെടുത്തി. ഈരാറ്റുപേട്ട സ്വദേശി അൻസാർ നജീബിന്റെ അറസ്റ്റ് ആണ് രേഖപ്പെടുത്തിയത്. വിദ്വേഷ മുദ്രാവാക്യം വിളിച്ച കുട്ടിയെ പ്രോൽസാഹിപ്പിച്ചത് അൻസാറാണെന്ന് പോലീസ് വ്യക്തമാക്കി.
കേസിൽ പോപ്പുലർ ഫ്രണ്ട് ആലപ്പുഴ ജില്ലാ പ്രസിഡണ്ട് പിഎ നവാസിനെ പോലീസ് നേരത്തെ കസ്റ്റഡിയിൽ എടുത്തിരുന്നു. കുട്ടിയെ തോളിലേറ്റി നടന്ന ഈരാറ്റുപേട്ട സ്വദേശി അൻസാർ നജീബിനെ ഇന്ന് പുലർച്ചെയാണ് പോലീസ് കസ്റ്റഡിയിൽ എടുത്തത്.
Most Read: സർക്കാർ നിലകൊള്ളുന്നത് സ്ത്രീ സുരക്ഷക്കായി; മുഖ്യമന്ത്രി