തിരുവനന്തപുരം: സംസ്‌ഥാനത്ത് റേഷൻ കടകൾ വഴിയുള്ള മണ്ണെണ്ണ വിതരണം അടുത്ത മാസം മുടങ്ങിയേക്കും. റേഷൻ വ്യാപാരികൾക്ക് മണ്ണെണ്ണ വിൽക്കുന്നതിന് പ്രത്യേക ലൈസൻസും, മുറിയും നിർബന്ധമാക്കിയതോടെയാണ് വിതരണം മുടങ്ങുന്നത്. സംസ്‌ഥാനത്ത് നിലവിൽ 4 വർഷത്തിലേറെയായി ലൈസൻസ് പുതുക്കാത്ത 14,000ത്തിൽ അധികം റേഷൻ വ്യാപാരികളുണ്ട്.
കുടിശിക ഉൾപ്പടെ 1,000 രൂപയിലധികം ലൈസൻസ് പുതുക്കാൻ ചിലവാക്കണം. കൂടാതെ കടമുറി വാടകയ്‌ക്ക്‌ എടുക്കുന്നതിനും പണം മുടക്കണം. ഈ സാഹചര്യത്തിലാണ് മിക്ക വ്യാപാരികളും ലൈസൻസ് പുതുക്കാൻ മടിക്കുന്നത്. കേന്ദ്ര സർക്കാർ ഭക്ഷ്യ സുരക്ഷാ നിയമം നടപ്പാക്കിയതോടെ റേഷൻ സാധനങ്ങൾ വിൽക്കാനുള്ള പല ലൈസൻസുകളും ഉപേക്ഷിച്ചിരുന്നു.
അതിന് ശേഷം റേഷൻ വ്യാപാരികൾ ഭക്ഷ്യഭദ്രത ലൈസൻസ് നേടി. എന്നാൽ റേഷൻ കടകൾ വഴി മണ്ണെണ്ണ വിൽക്കാനുള്ള ലൈസൻസ് പ്രത്യേകം വേണമെന്ന നിബന്ധന നിർബന്ധമാണെന്ന് ഡെപ്യൂട്ടി റേഷനിംഗ് കൺട്രോളർമാർ അറിയിച്ചതോടെ പ്രതിസന്ധിയായത്.
Read also: യുഎസ് ഓപ്പണ്‍; ജോക്കോവിച്ചിനെ തകര്‍ത്ത് കന്നി ഗ്രാൻഡ്‌സ്ളാം നേടി മെദ്‌വദേവ്
