തിരുവനന്തപുരം: മണ്ണെണ്ണ വില വർധിപ്പിച്ച് എണ്ണക്കമ്പനികൾ. 6 രൂപയാണ് ഒരു ലിറ്റർ മണ്ണെണ്ണയ്‌ക്ക്‌ വർധിപ്പിച്ചത്. ഇതോടെ സംസ്‌ഥാനത്ത് റേഷൻകടകൾ വഴി വിതരണം ചെയ്യുന്ന മണ്ണെണ്ണയുടെ വില 59 രൂപയായി ഉയർന്നു. ജനുവരി മാസം വരെ 53 രൂപയായിരുന്ന മണ്ണെണ്ണയുടെ വിലയാണ് ഇപ്പോൾ 59 ആയി ഉയർത്തിയത്.
പുതുക്കിയ വില ഇന്ന് മുതൽ നിശ്‌ചയിച്ചാണ് ഉത്തരവ് പുറത്തിറക്കിയത്. എന്നാൽ സിവില്‍ സപ്ളൈസ് വകുപ്പ് ഇതിനകം തന്നെ മണ്ണെണ്ണ സംഭരിക്കുകയും റേഷന്‍ കടകളില്‍ എത്തിക്കുകയും ചെയ്‌തിട്ടുണ്ട്. മാര്‍ച്ച് മാസം വരെയുള്ള മണ്ണെണ്ണ 47 രൂപ നിരക്കിലാണ് സംസ്‌ഥാനം വാങ്ങിയത്. അതിനാല്‍ തന്നെ ജനുവരി മാസത്തിലെ വിലയ്‌ക്ക്‌ തന്നെ വില്‍ക്കാനാകും.
Read also: മീഡിയാ വൺ വിലക്ക്; ഹൈക്കോടതി സ്‌റ്റേ തിങ്കളാഴ്‌ച വരെ തുടരും
