ബെയ്ജിങ്: ചൈനയുടെ തെക്കുപടിഞ്ഞാറൻ മേഖലയായ ഗ്വാങ്സിയിലെ കിന്റർഗാർട്ടനിൽ നടന്ന കത്തിയാക്രമണത്തിൽ പരിക്കേറ്റ് ചികിൽസയിൽ കഴിയുകയായിരുന്നു രണ്ട് കുട്ടികൾ മരണപ്പെട്ടു. ആക്രമണത്തിൽ 16 കുട്ടികൾക്കും 2 അധ്യാപകർക്കുമാണ് പരിക്കേറ്റിരുന്നത്.
കഴിഞ്ഞ ദിവസം പ്രാദേശിക സമയം ഉച്ചയ്ക്ക് രണ്ടിനായിരുന്നു സംഭവം. ആക്രമണത്തിൽ രണ്ട് കുട്ടികൾക്ക് ഗുരുതരമായി പരിക്കേറ്റിരുന്നതായി ചൈനയുടെ ഔദ്യോഗിക വാർത്താ ഏജൻസിയായ സിൻഹുവ നേരത്തെ റിപ്പോർട് ചെയ്തിരുന്നു.
പരിക്കേറ്റ മറ്റുള്ളവർ ബെയ്ലിയു സിറ്റി പീപ്പിൾസ് ആശുപത്രിയിൽ ചികിൽസയിലാണ്. ഇവരുടെ ആരോഗ്യനില മെച്ചപ്പെട്ടതായും സിൻഹുവ റിപ്പോർട് ചെയ്തു. പ്രദേശവാസിയായ യുവാവാണ് ആക്രമണത്തിന് പിന്നിലെന്നും ഇയാളെ അറസ്റ്റ് ചെയ്തതായും റിപ്പോർട്ടുണ്ട്.
Read Also: പശ്ചിമ ബംഗാളിൽ അവസാനഘട്ട വോട്ടെടുപ്പ് ഇന്ന്