പാലക്കാട്: ഇറാഖിൽ നടക്കുന്ന വോളിബോൾ ടൂർണമെന്റിൽ ഇന്ത്യക്കു വേണ്ടി ജഴ്സി അണിയാൻ കാത്തു നിൽക്കുകയാണ് മംഗലം ഡാം സ്വദേശിയായ കിരൺ. ഒഡിഷയിലെ ഭുവനേശ്വറിൽ നാളെ നടക്കുന്ന ക്യാമ്പിൽ പങ്കെടുക്കാൻ കേരളത്തെ പ്രതിനിധീകരിക്കുന്ന 30 അംഗ സംഘത്തിൽ കിരണും ഉണ്ടാവും. ഇതോടെ നാട്ടിലെ അഭിമാന താരമായി മാറിയിരിക്കുകയാണ് കിരൺ.
നാളെ നടക്കുന്ന ക്യാമ്പിൽ തിരഞ്ഞെടുക്കപ്പെട്ടാൽ ഇറാഖിൽ നടക്കുന്ന വോളിബോൾ ടൂർണമെന്റിൽ ജൂനിയർ ടീമിൽ കിരൺ ഇന്ത്യക്ക് വേണ്ടി ജഴ്സി അണിയും. ഇന്ത്യയെ പ്രതിനിധീകരിച്ച് ടീമിൽ കളിക്കാനുള്ള അതിയായ ആഗ്രഹത്തിലാണ് കിരൺ ഇപ്പോൾ ഉള്ളത്. മംഗലം ഡാം ഹോട്ടൽ ഉടമ സുരേഷിന്റെ മകനാണ് കിരൺ. കോട്ടയത്തെ കേരള സ്റ്റേറ്റ് സ്പോർട്സ് കൗൺസിലിന്റെ കീഴിലെ ഗിരിദീപം ഹയർ സെക്കൻഡറി സ്കൂളിലെ പ്ളസ് ടു വിദ്യാർഥിയാണ്.
Read Also: ഡെൽഹി കലാപകേസിൽ പോസിക്യൂഷൻ പരാജയപ്പെട്ടു; കോടതിയുടെ ആദ്യ വിധി