കൊച്ചി: ബേപ്പൂർ-അഴീക്കൽ തുറമുഖങ്ങളെ ബന്ധിപ്പിച്ച് കൊച്ചിയിൽ നിന്ന് തീരദേശ ചരക്ക് കപ്പൽ സർവീസ് ആരംഭിക്കുന്ന പദ്ധതി നീട്ടിവച്ചു. ഈ ആഴ്‌ച അവസാനത്തേക്കാണ് സർവീസ് മാറ്റിയത്. ചരക്ക് കപ്പൽ സർവീസ് ഇന്ന് മുതൽ ആരംഭിക്കുമെന്നാണ് നേരത്തെ അറിയിച്ചിരുന്നത്. എന്നാൽ ചില സാങ്കേതിക കാരണങ്ങളാൽ നീട്ടുകയായിരുന്നു. റൗണ്ട് ദ് കോസ്‌റ്റ് ഷിപ്പിംഗ് കമ്പനിയുടെ ‘എംവി ഹോപ് സെവൻ’ കപ്പലാണ് സർവീസ് നടത്തുക.
വിദേശത്ത് നിന്നും വിവിധ ഇന്ത്യൻ തുറമുഖങ്ങളിൽ നിന്നും കൊച്ചിയിൽ എത്തുന്ന കണ്ടെയ്‌നറുകൾ കുറഞ്ഞ ചിലവിൽ മലബാർ ജില്ലകളിൽ എത്തിക്കാനാണ് പദ്ധതിയിലൂടെ ലക്ഷ്യമിടുന്നത്. കപ്പൽ സർവീസ് ആരംഭിച്ചാൽ റോഡ് മാർഗം ചരക്ക് നീക്കുന്നതിനെക്കാൾ 30 ശതമാനം വരെ കടത്തു കൂലി കുറയുമെന്നാണ് പ്രതീക്ഷ. ആഴ്‌ചയിൽ രണ്ടു സർവീസ് വീതമാണ് തുടക്കത്തിൽ ഉണ്ടാവുക. പിന്നീട് കൂടുതൽ കപ്പലുകളുടെ സർവീസുകൾ ആരംഭിക്കാനും സാധ്യതയുണ്ട്.
Read Also: ‘ഷേർണി’ സിനിമക്കെതിരെ പ്രമുഖ ഷൂട്ടർ അസ്‌കർ അലി ഖാൻ
