കൊച്ചി : സംസ്ഥാനത്ത് കോവിഡ് രണ്ടാം വ്യാപനം രൂക്ഷമായി നിലനിൽക്കുന്ന സാഹചര്യത്തിൽ കൊച്ചി മെട്രോ സമയം പുനഃക്രമീകരിച്ചു. കോവിഡിനെ തുടർന്ന് സർക്കാർ ഏർപ്പെടുത്തിയ കർശന നിയന്ത്രണങ്ങളുടെ ഭാഗമായാണ് മെട്രോ സമയം പുനഃക്രമീകരിക്കാൻ തീരുമാനിച്ചത്. നിലവിലത്തെ തീരുമാനപ്രകാരം തിങ്കൾ മുതൽ വെള്ളി വരെ രാവിലെ 6 മണി മുതൽ രാത്രി 10 വരെയും, ശനി, ഞായർ ദിവസങ്ങളിൽ രാവിലെ 8 മണി മുതൽ രാത്രി 10 മണി വരെയുമായിരിക്കും കൊച്ചി മെട്രോ സർവീസ് നടത്തുക.
കോവിഡ് നിയന്ത്രണങ്ങൾ രൂക്ഷമായി തുടരുന്ന സാഹചര്യത്തിലാണ് മെട്രോ സമയത്തിൽ മാറ്റം കൊണ്ടുവരാനുള്ള തീരുമാനം എടുത്തതെന്ന് അധികൃതർ വ്യക്തമാക്കി. സംസ്ഥാനത്ത് നിലവിൽ പ്രതിദിനം രോഗബാധിതരുടെ എണ്ണത്തിൽ വലിയ ഉയർച്ചയാണ് ഉണ്ടാകുന്നത്. ഈ സാഹചര്യത്തിൽ രോഗവ്യാപനം കുറക്കുന്നതിനായി സർക്കാർ കർശന നിയന്ത്രണങ്ങൾ ഏർപ്പെടുത്തിയിട്ടുണ്ട്.
Read also : കോവിഡ് രണ്ടാം വ്യാപനം; കേന്ദ്ര സർക്കാരിനെതിരെ മദ്രാസ് ഹൈക്കോടതി