തൃശൂർ: കൊടകര കുഴൽപ്പണ കേസിൽ ബിജെപി സംസ്‌ഥാന അധ്യക്ഷൻ കെ സുരേന്ദ്രന്റെ മൊഴിയെടുക്കാനൊരുങ്ങി പോലീസ്. പണം വന്നത് ആർക്കുവേണ്ടിയാണെന്ന് സംസ്‌ഥാന നേതൃത്വത്തിന് അറിയാമായിരുന്നു എന്ന ബിജെപി ആലപ്പുഴ ജില്ലാ ട്രഷററുടെ മൊഴിയുടെ അടിസ്‌ഥാനത്തിലാണ് സുരേന്ദ്രന്റെ മൊഴിയെടുക്കാനുള്ള നീക്കം.
ചോദ്യം ചെയ്യൽ കടുപ്പിച്ചതോടെയാണ് ആലപ്പുഴ ജില്ലാ ട്രഷറർ കർത്ത സംസ്‌ഥാന നേതൃത്വത്തിലേക്ക് പഴിചാരിയത്. അതേസമയം ബിജെപിയുടെ ആലപ്പുഴ ജില്ലയിലെ ചില സ്‌ഥാനാർഥികളേയും ചോദ്യം ചെയ്യാനായി വിളിച്ചുവരുത്തുമെന്ന് പോലീസ് വ്യക്‌തമാക്കിയിട്ടുണ്ട്‌.
പണം വന്നതിൽ പല നേതാക്കൾക്കും അറിവുണ്ടെന്നാണ് പോലീസിന്റെ നിഗമനം. എന്നാൽ ഇത്തരം ആരോപണങ്ങളെല്ലാം നിഷേധിക്കുകയാണ് കെ സുരേന്ദ്രൻ. അതേസമയം, കവർച്ചയിൽ നേതാക്കൾക്ക് പങ്കുള്ളതായി പോലീസിന് കൃത്യമായ വിവരം ലഭിച്ചിട്ടില്ല. എന്നാൽ, പണം വന്നത് സംബന്ധിച്ചും വിതരണം സംബന്ധിച്ചും നേതാക്കൾക്ക് കൃത്യമായി വിവരമുണ്ടായിരുന്നു എന്നാണ് പോലീസ് പറയുന്നത്.
Read Also: പാർട്ടിയിലേക്ക് വരാൻ യുഡിഎഫ് നേതാക്കൾ താൽപര്യം അറിയിച്ചു; ജോസ് കെ മാണി
