മലപ്പുറം : ജില്ലയിൽ മദ്യപാനിയുടെ ആക്രമണത്തെ തുടർന്ന് ബസ് കണ്ടക്‌ടർക്ക് പരിക്കേറ്റു. മലപ്പുറം പുത്തനത്താണിയിൽ വച്ചാണ് സംഭവം നടന്നത്. ആക്രമണത്തിൽ പാലാ ഡിപ്പോയിലെ കണ്ടക്‌ടറായ സന്തോഷിനാണ് പരിക്കേറ്റത്. ടിക്കറ്റ് എടുക്കാൻ ആവശ്യപ്പെട്ടതിനെ തുടർന്നാണ് മദ്യപാനി കണ്ടക്‌ടറെ ആക്രമിച്ചത്.
മദ്യപിച്ച് ബസിൽ കയറിയ ഇയാൾ ടിക്കറ്റ് എടുക്കാൻ വിസമ്മതിക്കുകയായിരുന്നു. മദ്യം വാങ്ങുമ്പോൾ താൻ നികുതി കൊടുക്കുന്നുണ്ടെന്നും, അതിനാൽ ടിക്കറ്റ് എടുക്കില്ലെന്നുമാണ് മദ്യപാനി പറഞ്ഞത്. തുടർന്ന് ജീവനക്കാരും യാത്രക്കാരും ചേർന്ന് ഇയാളെ ബസിൽ നിന്നും ഇറക്കി വിട്ടു.
ഇറക്കിവിട്ട ശേഷം, അതിന്റെ പ്രതികാരമെന്നോണം മദ്യപാനി ബസിന് നേരെ കല്ലെറിയുകയായിരുന്നു. കല്ലേറിലാണ് കണ്ടക്‌ടർക്ക് പരിക്ക് പറ്റിയത്. കൂടാതെ കല്ലേറിൽ ബസിന്റെ ചില്ലും തകർന്നിട്ടുണ്ട്.
Read also : എറണാകുളത്ത് പിതാവ് മകനെ വെട്ടിക്കൊന്നു
