തിരുവനന്തപുരം: കെഎസ്ആര്‍ടിസിയുടെ പ്രതിമാസ വരുമാനം നൂറുകോടി കടന്നു. ഒക്‌ടോബര്‍ മാസത്തെ കെഎസ്ആര്‍ടിസിയുടെ വരുമാനം 113.77 കോടിയാണ്. 106.25 കോടി രൂപ ഓപ്പറേറ്റിംഗ് വിഭാഗത്തില്‍ നിന്ന് ലഭിച്ചു. 4.40 കോടി രൂപയാണ് നോണ്‍ ഓപ്പറേറ്റിംഗ് വിഭാഗത്തില്‍ നിന്നും ലഭിച്ചത്. ഇതിൽ ജീവനക്കാര്‍ക്ക് വേണ്ടി ഒക്‌ടോബര്‍ മാസം മാത്രം 94.25 കോടി രൂപ വിതരണം ചെയ്‌തു. കോവിഡ് രണ്ടാം തരംഗത്തിന് ശേഷം ഇതാദ്യമായാണ് പ്രതിമാസ വരുമാനം 100 കോടി കടക്കുന്നത്.
അതേസമയം കെഎസ്ആര്‍ടിസിയില്‍ രൂക്ഷമായ പ്രതിസന്ധി സൃഷ്‌ടിച്ച ശമ്പള പരിഷ്‌കരണത്തില്‍ ഇതുവരെയും തീരുമാനമായിട്ടില്ല. ഈ മാസം ഭരണ-പ്രതിപക്ഷ തൊഴിലാളി സംഘടനകള്‍ നടത്തിയ ദ്വിദിന പണിമുടക്കില്‍ ആദ്യദിവസം മാത്രം കെഎസ്ആര്‍ടിസിക്കുണ്ടായ ഏകദേശ വരുമാന നഷ്‌ടം ഒന്നരക്കോടി രൂപയോളമാണ്. ഇതിന് പുറമെ ശമ്പളം വൈകുന്നതും ജീവനക്കാരുടെ പ്രതിഷേധത്തിന് ഇടയാക്കുന്നുണ്ട്.
Read Also: തമിഴ്‌നാട്ടിലെ വിദ്യാർഥികൾക്കും പ്ളസ് വൺ അലോട്‌മെന്റിൽ പങ്കെടുക്കാം; മന്ത്രി
