തെലങ്കാന: സിപിഐ കേന്ദ്ര സെക്രട്ടറിയേറ്റ് അംഗം ബിനോയ് വിശ്വം എംപി അറസ്റ്റിൽ. തെലങ്കാന വാറങ്കലിലെ ഭൂസമരത്തിൽ പങ്കെടുക്കുന്നതിനിടെയാണ് ബിനോയ് വിശ്വം എംപി ഉൾപ്പടെ ഉള്ളവരെ വാറങ്കൽ സുബദാരി പോലീസ് അറസ്റ്റ് ചെയ്തത്.
സിപിഐ പ്രഖ്യാപിച്ച ഭൂസമരത്തിന്റെ ഭാഗമായി ആയിരക്കണക്കിന് ആളുകൾ വാറങ്കൽ താലൂക്ക് ഓഫിസ് ഉപരോധിക്കുകയാണ്. ഭൂരഹിതർക്കും ഭവന രഹിതർക്കും ഭൂമിയും വീടും നൽകുമെന്ന ചന്ദ്രശേഖര റാവു സർക്കാരിന്റെ വാഗ്ദാന ലംഘനത്തിന് എതിരെയാണ് സിപിഐയുടെ നേതൃത്വത്തിൽ വാറങ്കലിലെ മട്ടേവാഡത്തിൽ നിമ്മയ്യ കുളത്തിന് സമീപം സർക്കാർ ഭൂമി പിടിച്ചെടുത്ത് കുടിൽ കെട്ടി സമരം നടത്തുന്നത്.
Most Read: പൂട്ടിയ ഔട്ട്ലെറ്റുകൾ തുറക്കാൻ ബെവ്കോ; സാധ്യതാ പട്ടിക പുറത്തിറക്കി