നടവയൽ: കഴിഞ്ഞ ദിവസങ്ങളിൽ ഉണ്ടായ കനത്ത മഴയിൽ മണ്ണിടിഞ്ഞു വീണ് വീടുകൾക്ക് ഭീഷണി. പൂതാടി പഞ്ചായത്തിലെ ചെറുകുന്ന് വീട്ടുപുര കോളനിയിലെ മൂന്ന് വീടുകളാണ് മണ്ണിടിച്ചിൽ ഭീഷണി നേരിടുന്നത്. ശനിയാഴ്ച പെയ്ത കനത്ത മഴയിൽ വീട്ടിപുര കോളനിയിലെ വേണു, സഹോദരൻ വിജയൻ, ബന്ധുവായ അച്യുതൻ എന്നിവരുടെ വീടുകളുടെ പിന്നിലാണ് മണ്ണിടിഞ്ഞു വീണത്.
കഴിഞ്ഞ മഴക്കാലത്തും മേഖലയിൽ ചെറുതായി മണ്ണിടിച്ചിൽ ഉണ്ടായിരുന്നെങ്കിലും വ്യാപകമായി മണ്ണിടിഞ്ഞത് കഴിഞ്ഞ ദിവസമാണ്. കൊച്ചുകുട്ടികൾ അടക്കം പത്തിലേറെ ആളുകൾ ഈ വീടുകളിലുണ്ട്. ഇനിയും മണ്ണിടിഞ്ഞാൽ വീടുകൾ പൂർണമായി നശിക്കുമെന്നും അധികൃതർ നടപടി സ്വീകരിക്കണമെന്നുമാണ് കോളനിക്കാരുടെ ആവശ്യം.
Most Read: അടിയന്തിര യോഗം വിളിച്ച് മുഖ്യമന്ത്രി; ഡാമുകൾ തുറക്കുന്നത് ചർച്ച ചെയ്യും