വയനാട്: ദേശീയ പാതയിൽ മണ്ണിടിച്ചിൽ. ദേശീയപാതാ പൂക്കോട് വെറ്ററിനറി സർവകലാശാലയ്‌ക്ക് സമീപം ലക്കിടി വളവിലാണ് മണ്ണിടിച്ചിൽ ഉണ്ടായത്. ഇതോടെ ദേശീയ പാതയിൽ ഗതാഗതത്തിന് നിയന്ത്രണം ഏർപ്പെടുത്തിയിട്ടുണ്ട്. വൈത്തിരി പോലീസ് സ്‌ഥലത്തെത്തിയിട്ടുണ്ട്. അതേസമയം, ഇപ്പോൾ വൺവേ ആയിട്ടാണ് വാഹനങ്ങൾ കടത്തിവിടുന്നത്.
ലക്കിടി വളവിലെ ഇടിഞ്ഞ ഭാഗങ്ങൾ നികത്തുന്നതിനിടെയാണ് മണ്ണിടിച്ചിൽ ഉണ്ടായത്. മുകളിൽ നിന്ന് വൻതോതിൽ മണ്ണും കല്ലും മരങ്ങളും താഴേക്ക് പതിക്കുകയാണ്. ഇതുമൂലം ദേശീയ പാതയിൽ ഗതാഗതകുരുക്ക് അനുഭവപ്പെടുന്നുണ്ട്. അതേസമയം, നിരവധി വലിയ മരങ്ങൾ റോഡിലേക്ക് പതിക്കാൻ ഭീഷണിയായി നിൽക്കുന്നുണ്ടെന്ന് പോലീസ് അറിയിച്ചു.
Read Also: അപകടകരമായ രീതിയിൽ ബൈക്ക് ഓടിച്ചു; പിതാവിനും മകനുമെതിരെ കേസ്
