തിരുവനന്തപുരം: ലോ കോളേജിലെ വിദ്യാർഥികൾ തമ്മിൽ നടന്ന സംഘര്ഷവുമായി ബന്ധപ്പെട്ട് നാല് എസ്എഫ്ഐ പ്രവർത്തകർക്ക് സസ്പെൻഷൻ. അന്തകൃഷ്ണൻ, ശ്രീനാഥ്, ആദിത്, അബാദ് മുഹമ്മദ് എന്നിവരെയാണ് സസ്പെൻഡ് ചെയ്തത്.
കഴിഞ്ഞ ചൊവ്വാഴ്ച യൂണിയൻ ഉൽഘാടന ചടങ്ങിന് ശേഷമാണ് എസ്എഫ്ഐ- കെഎസ്യു പ്രവര്ത്തകര് ഏറ്റുമുട്ടിയത്. സംഭവത്തില് കെഎസ്യു യൂണിറ്റ് പ്രസിഡണ്ടും വനിതാ നേതാവുമായ സഫ്ന അടക്കം രണ്ട് പേര്ക്ക് പരിക്കേറ്റു. സഫ്നയെ എസ്എഫ്ഐ പ്രവര്ത്തകര് വളഞ്ഞിട്ട് മര്ദിച്ചു. മര്ദനത്തിന്റെ ദൃശ്യങ്ങള് കെഎസ്യു പുറത്തുവിട്ടിരുന്നു.
സംഭവത്തിൽ മ്യൂസിയം, മെഡിക്കൽ കോളേജ് പോലീസ് സ്റ്റേഷനുകളിൽ ഇരുവിഭാഗത്തിൽ നിന്നുള്ള അമ്പതിലധികം വിദ്യാർഥികളെ പ്രതിചേർത്തിട്ടുണ്ട്. സംഘർഷത്തെ കുറിച്ച് അന്വേഷിക്കാൻ കമ്മീഷനെ വെക്കുമെന്നും പ്രാഥമിക റിപ്പോർട്ടിന് ശേഷം ആവശ്യമെങ്കിൽ കൂടുതൽ പേർക്കെതിരെ നടപടി ഉണ്ടാകുമെന്നും കോളേജ് അധികൃതർ അറിയിച്ചിട്ടുണ്ട്.
Most Read: സിൽവർ ലൈൻ വിരുദ്ധ പ്രക്ഷോഭം; സഭ ബഹിഷ്കരിച്ച് പ്രതിപക്ഷം