കൊച്ചി: മലയാള സിനിമയിലെ മുൻനിര സംവിധാന സഹായി ആയിരുന്ന പികെ ജയകുമാർ (38) അന്തരിച്ചു. ഹൃദയ സ്‌തംഭനമായിരുന്നു മരണകാരണം. പരേതനായ കൃഷ്‌ണൻകുട്ടിയുടെയും ചന്ദ്രികയുടെയും മകനാണ്. ബി ഉണ്ണികൃഷ്‌ണൻ, അനിൽ സി മേനോൻ, സുനിൽ കാര്യാട്ടുകര, ജിബു ജേക്കബ്, രോഹിത് വിഎസ് തുടങ്ങി ഒട്ടേറെ സംവിധായകർക്കൊപ്പം പ്രവർത്തിച്ചിട്ടുണ്ട്.
മോഹൻലാലിനെ നായകനാക്കി ബി ഉണ്ണികൃഷ്‌ണൻ സംവിധാനം ചെയ്‌ത ആറാട്ടാണ് അവസാനം പ്രവർത്തിച്ച സിനിമ. നിയമ ബിരുദധാരിയായ ജയകുമാർ ഫെഫ്‌ക ഡയറക്‌ടേഴ്‌സ് യൂണിയൻ ഭരണസമിതി അംഗമായിരുന്നു. സിനിമാ താരങ്ങളായ ബിജു മേനോൻ, അജു വർഗീസ് തുടങ്ങിയവരും, ഫെഫ്‌ക ഡയറക്‌ടേഴ്‌സ് യൂണിയനും ജയകുമാറിന് ആദരാഞ്‌ജലികൾ അർപ്പിച്ചു.
Read Also: 3 ജില്ലകളിൽ കൂടി ഓറഞ്ച് അലര്‍ട്; മലയോര മേഖലകളിൽ ജാഗ്രതാ നിർദ്ദേശം
