ഭോപ്പാൽ: മധ്യപ്രദേശിൽ 16കാരിയെ പുള്ളിപ്പുലി കൊലപ്പെടുത്തി. സിയോണി ജില്ലയിലെ കനിവാഡ വനമേഖലയിൽ ശനിയാഴ്ച ഉച്ചക്കാണ് സംഭവം. കന്നുകാലികൾക്ക് പുല്ല് ശേഖരിക്കാൻ പിതാവിനൊപ്പം കാട്ടിലെത്തിയ പെൺകുട്ടിയെ പുലി ആക്രമിക്കുകയായിരുന്നു. രവീന യാദവ് എന്ന പെൺകുട്ടിയാണ് കൊല്ലപ്പെട്ടത്.
കുട്ടിയെ ആക്രമിക്കുന്നത് കണ്ടതോടെ പെൺകുട്ടിയുടെ പിതാവ് പുലിയെ ഓടിക്കാൻ ശ്രമിച്ചെങ്കിലും ഫലിച്ചില്ല. പിന്നീട കൂടുതൽ ആളുകൾ എത്തിയതോടെ പുലി മൃതദേഹം ഉപേക്ഷിച്ച് കാട്ടിലേക്ക് കടന്നു കളയുകയായിരുന്നു. പുലിയെ പിടിക്കാനുള്ള ശ്രമങ്ങൾ നടക്കുന്നതായി വനം വകുപ്പ് ഉദ്യോഗസ്ഥർ അറിയിച്ചു. പെൺകുട്ടിയുടെ കുടുംബത്തിന് അടിയന്തിരമായി 10000രൂപ അനുവദിച്ചതായും നാലുലക്ഷം രൂപ പിന്നീട് അനുവദിക്കുമെന്നും ഫോറസ്റ്റ് റേഞ്ചർ യോഗേഷ് പട്ടേൽ പറഞ്ഞു.
Read also: ബാല്ക്കണിയില് നിന്ന് വീണ് സഹോദരങ്ങള്ക്ക് ദാരുണാന്ത്യം