മണ്ണാര്ക്കാട്: വില്പനക്കായി അട്ടപ്പാടിയിലേക്ക് മദ്യം കടത്തിയ രണ്ടുപേര് അറസ്റ്റില്. ഓട്ടോയില് കടത്തുകയായിരുന്ന 32 ലിറ്റര് മദ്യമാണ് ആനമൂളിയില് വെച്ച് പോലീസ് പിടികൂടിയത്. തെങ്കര കോല്പാടം സ്വദേശികളായ കടിയംപാല വീട്ടില് സജീവ് (30), പൊട്ടിക്കല് വീട്ടില് വിനോദ് (40) എന്നിവരാണ് അറസ്റ്റിലായത്.
കഴിഞ്ഞ പഞ്ചായത്ത് തിരഞ്ഞെടുപ്പില് തെങ്കര കോല്പ്പാടം വാര്ഡില് ബിജെപി സ്ഥാനാര്ഥി ആയിരുന്ന സജീവ് നേരത്തെയും സമാന കേസില് അറസ്റ്റിലായിട്ടുണ്ട് എന്ന് പോലീസ് അറിയിച്ചു.
മണ്ണാര്ക്കാട് സിഐ ലിബി, എസ്ഐ രാജേഷ്, റെജി, ലിനി, ഓമന റമീസ് എന്നിവര് ചേര്ന്നാണ് പ്രതികളെ പിടികൂടിയത്. രഹസ്യ വിവരത്തെ തുടര്ന്ന് നടത്തിയ പരിശോധനയിലാണ് പ്രതികള് വലയിലായത്. ഓട്ടോയില് രഹസ്യ അറ ഉണ്ടാക്കിയാണ് പ്രതികള് മദ്യം കടത്തിയിരുന്നതെന്ന് പോലീസ് വ്യക്തമാക്കി.
Malabar News: ഇർഷാദ് വധം; മാലിന്യക്കിണർ മണ്ണിട്ട് മൂടും; ഉടമക്ക് നിർദ്ദേശം നൽകി