കണ്ണൂര്‍: തിരഞ്ഞെടുപ്പ് ഡ്യൂട്ടിക്ക് നിയോഗിക്കപ്പെട്ട പ്രിസൈഡിംഗ് ഓഫീസര്‍മാര്‍ക്കും ഫസ്‌റ്റ് പോളിംഗ് ഓഫീസര്‍മാര്‍ക്കും ഉള്ള ആദ്യ ഘട്ട പരിശീലനം നാളെ അവസാനിക്കും. പുതുതായി നിയമന ഉത്തരവ് ലഭിച്ചവര്‍ക്കുള്ള പരിശീലനം ഡിസംബര്‍ ഏഴിനാണ് ആരംഭിക്കുക. മുഴുവന്‍ ബ്‌ളോക്ക് കേന്ദ്രങ്ങളിലും കണ്ണൂര്‍ കോര്‍പറേഷന്‍ കേന്ദ്രത്തിലുമാണ് പരിശീലനം നടക്കുകയെന്ന് ജില്ലാ തെരഞ്ഞെടുപ്പ് ഉദ്യോഗസ്‌ഥന്‍ കൂടിയായ ജില്ലാ കളക്‌ടര്‍ അറിയിച്ചു.
ബ്‌ളോക്ക് കേന്ദ്രങ്ങളില്‍ നടക്കുന്ന പരിശീലനത്തില്‍ പഞ്ചായത്ത് തലങ്ങളില്‍ ഡ്യൂട്ടി ലഭിച്ചവരും കോര്‍പറേഷന്‍ കേന്ദ്രത്തില്‍ നടക്കുന്ന പരിശീലനത്തില്‍ കോര്‍പറേഷനിലും മുനിസിപ്പാലിറ്റികളിലും ഡ്യൂട്ടി ലഭിച്ചവരുമാണ് പങ്കെടുക്കേണ്ടത്.
അതേസമയം ആദ്യഘട്ട പരിശീലനത്തില്‍ വിവിധ കാരണങ്ങളാല്‍ പങ്കെടുക്കാത്തവര്‍ നിര്‍ബന്ധമായും ഡിസംബര്‍ ഏഴിന് നടക്കുന്ന ക്‌ളാസില്‍ ഹാജരാവണമെന്ന് ജില്ലാ കളക്‌ടര്‍ അറിയിച്ചു. കൂടാതെ പരിശീലനത്തില്‍ പങ്കെടുക്കാത്ത ഉദ്യോഗസ്‌ഥര്‍ക്ക് എതിരെ തിരഞ്ഞെടുപ്പ് ചട്ടപ്രകാരം നടപടി സ്വീകരിക്കുമെന്നും കളക്‌ടര്‍ വ്യക്‌തമാക്കി.
Malabar News: കീഴാറ്റൂരിൽ പോലീസ് സംരക്ഷണം ആവശ്യപ്പെട്ട് വയൽക്കിളി സ്‌ഥാനാർഥി
