കോഴിക്കോട്: കൊയിലാണ്ടി ദേശീയപാതയില്‍ ലോറിയും പിക്കപ്പും കൂട്ടിയിടിച്ച് രണ്ടുപേര്‍ക്ക് പരിക്ക്. പെരുമ്പാവൂര്‍ സ്വദേശികളായ ബിനു, ജോയി എന്നിവര്‍ക്കാണ് പരിക്കേറ്റത്. ഇവരെ താലൂക്ക് ആശുപത്രിയില്‍ പ്രവേശിപ്പിച്ചു.
തിരുവങ്ങൂര്‍ അണ്ടി കമ്പനിക്ക് മുന്‍പിൽ ഇന്ന് രാവിലെയായിരുന്നു അപകടം നടന്നത്. തിരുവങ്ങൂര്‍ കാലിത്തീറ്റ ഗോഡൗണിലേക്ക് വന്ന ലോറിക്ക് പിന്നില്‍ പെരുമ്പാവൂരില്‍ നിന്നും വരികയായിരുന്ന പിക്കപ്പ് ഇടിക്കുകയായിരുന്നു.
പിക്കപ്പിന്റെ മുന്‍വശം ഇടിയുടെ ആഘാതത്തില്‍ പൂര്‍ണമായും തകര്‍ന്നു. തുടർന്ന് നാട്ടുകാരുടെ സഹായത്തോടെയാണ് പിക്കപ്പിൽ ഉണ്ടായിരുന്നവരെ കൊയിലാണ്ടിയിൽ നിന്നെത്തിയ ഫയര്‍ ഫോഴ്‌സ് സംഘം പുറത്തെടുത്തത്.
Malabar News: ടവറുകൾ പൊളിച്ച് നീക്കി, വിദ്യാർഥികളുടെ ഓൺലൈൻ പഠനം മുടങ്ങി
