സൂര്യ നായകനായെത്തുന്ന ഏറ്റവും പുതിയ ചിത്രം ‘എതര്ക്കും തുനിന്തവനി’ലെ ലിറിക്കൽ വീഡിയോ പുറത്തുവിട്ടു. ‘വാടാ തമ്പി’എന്ന് തുടങ്ങുന്ന ഗാനത്തിന്റെ വീഡിയോയാണ് പുറത്തു വിട്ടിരിക്കുന്നത്. ‘പസങ്ക’, ‘ഇത് നമ്മ ആള്’, ‘നമ്മ വീട്ടു പിള്ളൈ’ തുടങ്ങിയ ചിത്രങ്ങളിലൂടെ ശ്രദ്ധ നേടിയ പാണ്ടിരാജ് ആണ് ചിത്രത്തിന്റെ സംവിധായകൻ.
യുവ സംഗീത സംവിധായകരായ ജിവി പ്രകാശും അനിരുദ്ധ് രവിചന്ദറും ചേര്ന്നാണ് ഗാനം പാടിയിരിക്കുന്നത്. സംവിധായകന് വിഗ്നേഷ് ശിവന്റെ വരികള്ക്ക് ഡി ഇമ്മനാണ് സംഗീതം നല്കിയിരിക്കുന്നത്.
തമിഴ് ഡപ്പാംകൂത്ത് സ്റ്റൈലില് ഒരുക്കിയിരിക്കുന്ന ഗാനത്തിനിടക്ക് സൂര്യ ചുവടുവെക്കുന്ന ദൃശ്യങ്ങളും ചിത്രീകരണ ദൃശ്യങ്ങളുമെല്ലാം വീഡിയോയിൽ കാണിക്കുന്നുണ്ട്.
ഫെബ്രുവരി 4ന് ചിത്രം ലോകവ്യാപകമായി റിലീസ് ചെയ്യും. തമിഴിനു പുറമേ മലയാളം, തെലുങ്ക്, കന്നഡ, ഹിന്ദി ഭാഷകളിലായിരിക്കും ചിത്രം എത്തുന്നത്.
സൂര്യയുടെ 40ആമത്തെ ചിത്രമാണ് ‘എതിര്ക്കും തുനിന്തവന്’. പ്രിയങ്ക മോഹന് നായികയാകുന്ന ചിത്രത്തിൽ സത്യരാജ്, സൂരി, ശരണ്യ പൊന്വണ്ണന്, ദേവദര്ശിനി, ജയപ്രകാശ്, ഇളവരശ് തുടങ്ങിയവരും വേഷമിടുന്നു.
ഒരിടവേളയ്ക്ക് ശേഷം തിയേറ്ററിലെത്തുന്ന സൂര്യ ചിത്രമാണ് ‘എതര്ക്കും തുനിന്തവന്’. സണ് പിക്ചേഴ്സാണ് ചിത്രം നിര്മിക്കുന്നത്.
Most Read: ദക്ഷിണാഫ്രിക്കന് പര്യടനം; രോഹിത്തിന് പരിക്ക്; രാഹുല് വൈസ് ക്യാപ്റ്റനായേക്കും