മലപ്പുറം: മിഅ്റാജ് രാവിന്റെ ഭാഗമായി മഅ്ദിൻ അക്കാദമിയുടെ ആഭിമുഖ്യത്തില് സ്വലാത്ത് നഗറില് സംഘടിപ്പിച്ച ആത്മീയ സമ്മേളനം സമാപിച്ചു.
“ഇസ്ലാമില് ഏറെ പുണ്യമുള്ള മാസങ്ങളാണ് റജബ്, ശഅബാന്, റമളാൻ മാസങ്ങൾ. ഈ മാസങ്ങളുടെ പവിത്രത കാത്ത് സൂക്ഷിക്കേണ്ട ബാധ്യത വിശ്വാസികള്ക്കുണ്ട്”; മഅ്ദിന് അക്കാദമി ചെയര്മാന് സയ്യിദ് ഇബ്റാഹീമുല് ഖലീല് അല് ബുഖാരി ഉൽഘാടന പ്രസംഗത്തിൽ പറഞ്ഞു.
വോട്ടവകാശം ജനാധിപത്യ ബോധമുള്ള പൗരന്റെ മൗലികാവകാശം ആണെന്നും വ്യക്തിഹത്യകളും അക്രമങ്ങളും രാജ്യസ്നേഹമുള്ളവര്ക്ക് യോജിച്ചതല്ലെന്നും ഇദ്ദേഹം പറഞ്ഞു. സമസ്ത ഉപാധ്യക്ഷന് സയ്യിദ് അലി ബാഫഖി തങ്ങളാണ് പ്രധാന പ്രാർഥന നിർവഹിച്ചത്.
സയ്യി ഇസ്മാഈൽ ബുഖാരി കടലുണ്ടി, സയ്യിദ് അബ്ദുള്ള ഹബീബുറഹ്മാൻ അൽ ബുഖാരി, സയ്യിദ് ശിഹാബുദ്ധീന് ബുഖാരി കടലുണ്ടി, സയ്യിദ് ഹബീബ് കോയ തങ്ങള് പൊൻമുണ്ടം, സയ്യിദ് ശഹീര് ഹുസൈന് അല് ജീലാനി, സയ്യിദ് മുഹമ്മദ് ഫാറൂഖ് ജമലുല്ലൈലി, പൊൻമള മൊയ്തീൻ കുട്ടി ബാഖവി, അബൂബക്കര് സഖാഫി കുട്ടശ്ശേരി, അബ്ദുൽ ജലീല് സഖാഫി കടലുണ്ടി, സുലൈമാന് ഫൈസി കിഴിശ്ശേരി, ഇബ്റാഹീം ബാഖവി മേല്മുറി, സിടി അബൂബക്കര് മുസ്ലിയാര്, മുസ്തഫ ദാരിമി, മുസ്തഫ മാസ്റ്റര് കോഡൂര് എന്നിവര് ആത്മീയ സമ്മേളനത്തിൽ സംബന്ധിച്ചു.
Most Read: ബിജെപിക്ക് ‘യാക്കോബായ സഭ’ പരസ്യ പിന്തുണ പ്രഖ്യാപിച്ചേക്കും; അമിത് ഷായുമായി കൂടിക്കാഴ്ച്ച ഉടൻ