ചെന്നൈ: കള്ളക്കുറിച്ചിയിലുണ്ടായ വിഷമദ്യ ദുരന്തത്തിൽ 65 പേർ മരിച്ച സംഭവത്തിൽ തമിഴ്നാട് സർക്കാരിന് മദ്രാസ് ഹൈക്കോടതിയുടെ രൂക്ഷവിമർശനം. മരിച്ചവരുടെ കുടുബങ്ങൾക്ക് പത്ത് ലക്ഷം രൂപ നഷ്ടപരിഹാരം നൽകിയ സർക്കാർ നടപടിയെയാണ് കോടതി വിമർശിച്ചത്. വിഷമദ്യ ദുരന്തത്തിന് കാരണം സംസ്ഥാന സർക്കാരിന്റെ അനാസ്ഥയാണെന്ന് കോടതി നിരീക്ഷിച്ചു.
നഷ്ടപരിഹാരം നൽകിയതിനെതിരെ മദ്രാസ് ഹൈക്കോടതിയിൽ എത്തിയ ഹരജി പരിഗണിക്കവെയാണ് വിമർശനം. ദുരന്ത സാഹചര്യം തരണം ചെയ്യാനാണ് കുടുംബങ്ങൾക്ക് നഷ്ടപരിഹാരം നൽകിയതെന്നാണ് സർക്കാരിന്റെ വാദം. എന്നാൽ, ഇരകളാക്കപ്പെട്ടവരുടെ കുടുംബങ്ങളെ എന്തിന് പ്രോൽസാഹിപ്പിക്കണമെന്ന് ആക്റ്റിങ് ചീഫ് ജസ്റ്റിസ് ആർ മഹാദേവൻ ചോദിച്ചു.
‘നിങ്ങൾ പത്ത് ലക്ഷം കൊടുക്കുന്നു. എന്നാൽ ഇത് പ്രോൽസാഹനം മാത്രമാണ്. ഒരാൾ അപകടത്തിൽ മരിച്ചാൽ നിങ്ങൾക്ക് നഷ്ടപരിഹാരം നൽകാം. എന്നാൽ, ഇത് അങ്ങനെയൊരു സാഹചര്യമല്ല. പത്ത് ലക്ഷം അധികമാണ്. നിങ്ങൾ സെക്രട്ടറിമാരോടൊപ്പം ഇരുന്ന് ആലോചിക്കൂ. ഇതിന് മറ്റെന്തെങ്കിലും സംവിധാനം കണ്ടെത്തേണ്ടതുണ്ട്’- കോടതി പറഞ്ഞു. കേസ് രണ്ടാഴ്ചത്തേക് മാറ്റി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
