ചെന്നൈ : സംസ്‌ഥാനത്ത് നിയമസഭാ തിരഞ്ഞെടുപ്പുമായി ബന്ധപ്പെട്ട് മുന്നറിയിപ്പ് നൽകി മദ്രാസ് ഹൈക്കോടതി. വോട്ടർമാരെ സ്വാധീനിക്കുന്നതിനായി സൗജന്യങ്ങൾ നൽകരുതെന്നാണ് മദ്രാസ് ഹൈക്കോടതി നിർദേശം നൽകിയിരിക്കുന്നത്. തിരഞ്ഞെടുപ്പ് അടുത്തതോടെ വോട്ടർമാരെ സ്വാധീനിക്കുന്നതിനായി സൗജന്യങ്ങൾ നൽകുന്നത് വ്യാപകമായതോടെയാണ് കോടതി ഇക്കാര്യം വ്യക്‌തമാക്കി രംഗത്ത് വന്നത്.
സംസ്‌ഥാനത്ത് മദ്യവും ബിരിയാണിയും അടക്കമുള്ളവ സൗജന്യമായി തിരഞ്ഞെടുപ്പ് അടുത്തതോടെ വിതരണം ചെയ്യുന്നുണ്ട്. രാഷ്‌ട്രീയ പാർട്ടികളുടെ ഈ പ്രവൃത്തി അനുചിതമാണെന്ന് കോടതി വ്യക്‌തമാക്കി. ഒപ്പം തന്നെ ഇത്തരം സൗജന്യങ്ങൾ ജനങ്ങളെ അലസരാക്കി മാറ്റുന്നതായും കോടതി നിരീക്ഷിച്ചു.
ഒപ്പം തന്നെ തിരഞ്ഞെടുപ്പ് അടുത്തതോടെ രാഷ്‌ട്രീയ പാർട്ടികൾ ജനങ്ങൾക്ക് ഇത്തരത്തിൽ സൗജന്യങ്ങൾ വിതരണം ചെയ്യുന്ന സംഭവത്തിൽ തിരഞ്ഞെടുപ്പ് കമ്മീഷൻ കർശന ജാഗ്രത പുലർത്തണമെന്നും കോടതി വ്യക്‌തമാക്കി.
Read also : ശാരീരിക അവശത; യുഡിഎഫിനായുള്ള പ്രചാരണം നിര്‍ത്തി സലിം കുമാര്‍
