ഇരിട്ടി: മാക്കൂട്ടം ചുരത്തിൽ തുടരുന്ന കോവിഡ് നിയന്ത്രണങ്ങൾ പിൻവലിക്കുന്നത് പരിഗണിക്കുമെന്ന് കുടക് ജില്ലാ ഭരണകൂടം അറിയിച്ചതായി സണ്ണി ജോസഫ് എംഎൽഎ അറിയിച്ചു. കുടക് അസി.കമ്മീഷണർ ചാരുലത സോമലുമായി എംഎൽഎ നടത്തിയ ടെലിഫോൺ സംഭാഷണത്തിലാണ് അനുകൂല നിലപാട് ഉണ്ടായത്.
അവധി കഴിഞ്ഞെത്തുമ്പോൾ നേരിട്ട് ചർച്ച നടത്തി കാര്യങ്ങൾ പരിഹരിക്കാമെന്ന് കമ്മീഷണർ ഉറപ്പ് നൽകിയതായി എംഎൽഎ അറിയിച്ചു. ഇതേ തുടർന്ന്, യുഡിഎഫ് വള്ളിത്തോട് നിന്നും മാക്കൂട്ടം ചെക്ക്പോസ്റ്റിലേക്ക് നടത്താനിരുന്ന പ്രതിഷേധ മാർച്ച് മാറ്റിയതായി യുഡിഎഫ് നിയോജക മണ്ഡലം ചെയർമാൻ പികെ ജനാർദ്ദനൻ അറിയിച്ചു.
Most Read: ജോജു ജോർജ് വിഷയത്തിൽ സമവായം ഇല്ലാതാക്കുന്നത് സിപിഎമ്മെന്ന് കോൺഗ്രസ്