മലപ്പുറം : കഴിഞ്ഞ ദിവസം നിയമസഭാ തിരഞ്ഞെടുപ്പിന് ഒപ്പം മലപ്പുറം മണ്ഡലത്തിൽ നടന്ന ലോക്‌സഭാ ഉപതിരഞ്ഞെടുപ്പിലെ മികച്ച പോളിംഗ് രേഖപ്പെടുത്തി. 74.53 ശതമാനമാണ് പോളിംഗ് ശതമാനം. അതേസമയം 2019ൽ നടന്ന തിരഞ്ഞെടുപ്പിൽ 75.49 ശതമാനം ആയിരുന്നു പോളിംഗ് ശതമാനം. ഇന്നലെ നടന്ന വോട്ടെടുപ്പിൽ യുഡിഎഫ് സ്‌ഥാനാർഥി എംപി അബ്‌ദുസമദ് സമദാനി കോട്ടക്കൽ ആമപ്പാറ എഎൽപി സ്‌കൂളിലാണ് വോട്ട് ചെയ്‌തത്.
എൽഡിഎഫ് സ്‌ഥാനാർഥി വിപി സാനു വളാഞ്ചേരി പാണ്ടികശാല ഹയാത്തുൽ ഇസ്‌ലാം മദ്രസയിലെ ബൂത്തിൽ മാതാപിതാക്കൾക്കും ഭാര്യക്കും ഒപ്പമെത്തിയാണ് വോട്ട് രേഖപ്പെടുത്തിയത്. എപി അബ്‌ദുല്ലക്കുട്ടിയാണ് മണ്ഡലത്തിൽ എൻഡിഎ സ്‌ഥാനാർഥിയായി മൽസരിക്കുന്നത്. ജില്ലയിലെ വള്ളിക്കുന്ന്, കൊണ്ടോട്ടി, വേങ്ങര, മലപ്പുറം, മഞ്ചേരി, പെരിന്തൽമണ്ണ, മങ്കട എന്നീ പ്രദേശങ്ങളാണ് മലപ്പുറം ലോക്‌സഭാ മണ്ഡലത്തിൽ ഉൾപ്പെടുന്നത്.
Read also : മാസ്‌ക്‌ ധരിച്ചില്ല; യുവാവിന് ക്രൂര മർദ്ദനം; രണ്ട് പോലീസുകാരെ സസ്‌പെൻഡ് ചെയ്‌തു
