മംഗളൂരു: മലയാളി വിദ്യാർഥികളെ മംഗളൂരുവിൽ പോലീസ് ക്രൂരമായി മർദിച്ചെന്ന് പരാതി. യേനപ്പോയ സർവകലാശാലയിലെ ബിരുദ വിദ്യാർഥികൾക്കുള്ള ഹോസ്റ്റലിലാണ് സംഭവം. ഹോസ്റ്റലിൽ കയറി അഞ്ച് വിദ്യാർഥികളെ പോലീസ് കസ്റ്റഡിയിലെടുത്തു. ഹോസ്റ്റലിലെ നിരവധി വിദ്യാർഥികളെ പോലീസ് തല്ലിച്ചതച്ചതായി പരാതിയിൽ പറയുന്നു.
കഴിഞ്ഞ ദിവസം ജൂനിയർ വിദ്യാർഥിയും സീനിയർ വിദ്യാർഥികളും തമ്മിൽ ചെറിയ തർക്കം ഉണ്ടായിരുന്നു. തർക്കത്തിനിടെ ജൂനിയർ വിദ്യാർഥിയുടെ തലയ്ക്ക് പരിക്കേൽക്കുകയും ആശുപത്രിയിൽ പ്രവേശിപ്പിക്കുകയും ചെയ്തു. തുടർന്ന് വിദ്യാർഥികൾ പോലീസിൽ പരാതി നൽകിയിരുന്നു. ഇതിന്റെ ഭാഗമായാണ് പോലീസ് ഹോസ്റ്റലിൽ എത്തുകയും ആക്രമണം അഴിച്ചുവിട്ടതെന്നുമാണ് വിദ്യാർഥികൾ പറയുന്നത്.
ഇത് മൂന്നാം തവണയാണ് ഇതേ ഹോസ്റ്റലിൽ പോലീസിന്റെ അതിക്രമം ഉണ്ടാകുന്നതെന്ന് വിദ്യാർഥികൾ പറഞ്ഞു. സംഭവത്തിൽ നടപടി വേണമെന്നും ഇവർ ആവശ്യപ്പെട്ടു.
Most Read: ഓക്സിജൻ ക്ഷാമം മൂലം രോഗികൾ മരിച്ചത് പഞ്ചാബിൽ മാത്രം; കേന്ദ്രമന്ത്രി