മലപ്പുറം: കഞ്ചാവുമായി യുവാവ് പിടിയിൽ. തിരൂർ മുട്ടന്നൂർ സ്വദേശിയായ അബ്‌ദുൾ ഹക്കീമാണ് അറസ്‌റ്റിലായത്. തിരൂർ കൈനിക്കരയിൽ വച്ച് മലപ്പുറം ഡിഎഎൻഎസ്എഎഫ് സംഘമാണ് ഇയാളെ പിടികൂടിയത്. ഇയാളുടെ കൈയിൽനിന്നും രണ്ട് കിലോ കഞ്ചാവ് ഉദ്യോഗസ്‌ഥർ കണ്ടെടുത്തു.
മലപ്പുറം എസ്‌പി സുജിത്ദാസിന്റെ നിർദ്ദേശ പ്രകാരം തിരൂർ ഡിവൈഎസ്‌പി സുരേഷ്ബാബുവിന്റെ നേതൃത്വത്തിലുള്ള സംഘമാണ് അബ്‌ദുൾ ഹക്കീമിനെ പിടികൂടിയത്.
തിരൂർ ഇൻസ്‌പെക്‌ടർ ടിപി ഫർഷാദ്, എസ്ഐ ജിനേഷ്, മലപ്പുറം ഡിഎഎൻഎസ്എഎഫ് ടീമിലെ എസ്ഐമാരായ എംപി മുഹമ്മദ്‌ റാഫി, പ്രമോദ്, എഎസ്ഐ ജയപ്രകാശ്, എഎസ്ഐ മധു, എസ്‌സിപിഒമാരായ രാജേഷ് സിവി, ജയപ്രകാശ്, ഹരീഷ് എന്നിവരാണ് അന്വേഷണ സംഘത്തിൽ ഉണ്ടായിരുന്നത്.
Malabar News: താമരശ്ശേരി ഡിപ്പോയിൽ കൂട്ട സ്‌ഥലം മാറ്റം; യാത്രക്കാർ ദുരിതത്തിൽ
