വാഷിംഗ്ടൺ: യുഎസ് വൈസ് പ്രസിഡണ്ട് കമലാ ഹാരിസിന്റെ ഔദ്യോഗിക വസതിയായ യുഎസ് നേവൽ ഒബ്സർവേറ്ററിക്ക് സമീപത്തു നിന്ന് ആയുധധാരിയെ പിടികൂടി. ടെക്സാസ് സ്വദേശിയായ പോൾ മുറെ എന്നയാളാണ് പിടിയിൽ ആയതെന്ന് പോലീസ് പറഞ്ഞു.
നേവൽ ഒബ്സർവേറ്ററിക്ക് സമീപത്തു പാർക്ക് ചെയ്തിരുന്ന ഇയാളുടെ വാഹനത്തിൽ നിന്ന് തോക്കും വെടിയുണ്ടകളും കണ്ടെടുത്തിട്ടുണ്ട്. ഇന്റലിജൻസ് റിപ്പോർട്ടിന്റെ അടിസ്ഥാനത്തിൽ നടത്തിയ പരിശോധനയിലാണ് ഇയാൾ പിടിയിൽ ആയത്.
അപകടകരമായ ആയുധം കൈവശം വെക്കൽ, തോക്ക് കൈവശം വെക്കൽ, ലൈസൻസ് ഇല്ലാതെ വെടിയുണ്ട കൈവശം വെക്കൽ എന്നീ കുറ്റങ്ങളാണ് മുറെക്കെതിരെ ചുമത്തിയിരിക്കുന്നത് എന്ന് പോലീസ് പറഞ്ഞു.
Also Read: ഹൂതികൾ സൗദിയിൽ നടത്തുന്ന ആക്രമണം; നിലപാട് വ്യക്തമാക്കി ജിസിസി കൗൺസിൽ