തിരുവനന്തപുരം: മെഡിക്കല് കോളേജില് കോവിഡ് രോഗിയെ പുഴുവരിച്ച സംഭവത്തില് 3 പേര്ക്ക് സസ്പെൻഷൻ. നോഡല് ഓഫീസറായ ഡോ.അരുണ, ഹെഡ് നഴ്സുമാരായ ലീന കുഞ്ചന്, കെ.വി രജനി എന്നിവരെയാണ് ആരോഗ്യവകുപ്പ് സസ്പെൻഡ് ചെയ്തത്.
Also Read: ഭക്ഷ്യസുരക്ഷാ ലൈസന്സുകളുടെ പേരില് ലക്ഷങ്ങളുടെ സൈബര് തട്ടിപ്പ് വ്യാപകം
ഓഗസ്റ്റ് 21 ന് വീഴ്ചയിലേറ്റ പരിക്കുകളെ തുടര്ന്നാണ് അനില്കുമാറിനെ ആശുപത്രിയില് പ്രവേശിപ്പിച്ചത്. ഇതിനിടയില് കോവിഡ് സ്ഥിരീകരിച്ചതിനെ തുടര്ന്ന് രോഗിയെ കോവിഡ് വാര്ഡിലേക്ക് മാറ്റുകയും ബന്ധുക്കളോട് നിരീക്ഷണത്തില് പോകാന് അധികൃതര് നിര്ദ്ദേശിക്കുകയും ചെയ്തിരുന്നു.
കഴിഞ്ഞ ദിവസം കോവിഡ് നെഗറ്റീവ് ആയതിനെ തുടര്ന്ന് അനില് കുമാറിനെ ഡിസ്ചാര്ജ് ചെയ്തു. വീട്ടിലെത്തി നടത്തിയ പരിശോധനയിലാണ് ദേഹമാസകലം പുഴുവരിക്കുന്നതായി കണ്ടെത്തിയത്. സംഭവത്തില് കുടുംബാംഗങ്ങള് ആരോഗ്യമന്ത്രിക്ക് പരാതി നല്കിയിരുന്നു. ഇതിനെ തുടര്ന്നാണ് നടപടി.